Ярмарка фурӯши маҳсулоти кишоварзӣ дар бозори «Қарияи Боло»
Душанбе, 05.07.2016/АМИТ «Ховар»/. Беш аз 50 тонна маҳсулоти кишоварзӣ ва ширию гӯштӣ аз ҷониби кишоварзони хоҷагиҳои деҳқонии ноҳияи Ҳисор дар ярмарка-фурӯши маҳсулоти кишоварзию саноатӣ, ки дар арафаи иди саиди Фитр имрӯз аз субҳ дар бозори «Қарияи Боло»-и Душанбе ташкил гардида буд, ба фурӯш гузошта шуд.
Бобосафар Шарифов роҳбари Дастгоҳи раиси шаҳри Ҳисор дар суҳбат ба хабарнигори «Ховар» гуфт, ки ин иқдом дар партави дастуру супоришҳои Президенти кишвар муҳтарам Эмомалӣ Раҳмон бо мақсади пурнозу неъмат гардонидани дастархони идонаи шаҳрвандон ва ҷилавгирӣ аз баланд гардидани нархи маҳсулоти кишоварзӣ дар бозорҳои пойтахт ба роҳ монда шудааст. Мавсуф афзуд, ки кишоварзону чорводорони коперативҳои истеҳсолии ба номи Латиф Муродов, «Баракати чорводор» ва дигар хоҷагиҳои деҳқонии ноҳия ба сокинони пойтахт маҳсулоти тару тозаи кишоварзӣ, аз ҷумла, картошка, пиёз, карам, помидор, бодиринг, боимҷон ва дигар маҳсулотҳоро бо нархҳои нисбатан арзон ва дастрас ба фурӯш гузоштанд. Аз ҷумла, як кг картошка 80 дирам, пиёз 50 дирам, 1 кг гӯшти гов 28 сомонӣ, 1 литр шир бо нархи 1,5 сомонӣ ва навъҳои гуногуни мева аз 10 то 12 сомонӣ барои ҳар як кг пешкаши сокинони пойтахт гардонида шуд.
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Имрӯз дар Тоҷикистон ҳавои бебориш дар назар аст
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
