Давлат Сафар: Ин роҳи дилу роҳи муроди Ватан аст
Душанбе, 24.08.2016. /АМИТ «Ховар»/. Имрӯз, 24 августи соли 2016 дар маросими ботантана бо иштироки Президенти Ҷумҳурии Тоҷикистон Эмомалӣ Раҳмон иншооти бузургу дорои аҳамияти стратегӣ- роҳи оҳани Душанбе- Қурғонтеппа-Кӯлоб ба истифода дода шуд. Рӯҳбаландӣ ва шодию нишоти мардуми кишварро шоир Давлат Сафар ин гуна ба риштаи назм кашидааст:
Ин роҳи дилу роҳи муроди Ватан аст,
Ин роҳкушоиҳо ба сад анҷуман аст.
Ин раҳ на зи оҳану зи тиллост, ба мо
Аз Раҳбари Пешвои армоншикан аст.
Роҳе, ки кушода гашт, бар ҳар тараф аст,
Ин роҳи саодат асту шаъну шараф аст.
Барҳам занад ин роҳ ҳама монеаҳо,
Осонгари мушкил асту роҳи ҳадаф аст.
Мо ҳам чу қатораҳои роҳи оҳан,
Ороста саф ҳамеша дар ҳифзи Ватан.
Шодем, ки ин сиёсати раҳсозӣ
Бо дил шуда ҳаммаром дар мулки сухан.
Ин раҳ, ки кушода гашт, раҳ сӯи бақост,
Ин роҳи муборак асту аз сулҳу сафост.
Эй ҳамватанон, раҳи дигар нест ба мо
Ҷуз ин раҳи паймуда, ки аз Сарвари мост.
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
