Ифтитоҳи роҳи оҳани Душанбе- Қурғонтеппа- Кӯлоб- туҳфаи арзанда ба ҷашни Истиқлолияти давлатии Ҷумҳурии Тоҷикистон
Душанбе, 24.08.2016. /АМИТ «Ховар»/. Имрӯз, 24 августи соли 2016 дар таърихи соҳибистиқлолии Ҷумҳурии Тоҷикистон боз як рӯйдоди муҳим ва фараҳбахш ба вуқӯъ пайваст. Дар ин рӯз дар маросими ботантана бо иштироки Президенти Ҷумҳурии Тоҷикистон Эмомалӣ Раҳмон иншооти бузургу дорои аҳамияти стратегӣ- роҳи оҳани Душанбе- Қурғонтеппа-Кӯлоб ба истифода дода шуд.
Ифтитоҳи роҳи оҳани Душанбе- Қурғонтеппа- Кӯлоб барои рушди минбаъдаи иқтисодиёти кишварамон нақши муассир мегузорад. Арзиши лоиҳавии бунёди роҳи оҳани Душанбе Қурғонтеппа- Кӯлоб 165 миллион сомониро ташкил дода, он дорои се нақб ва 8 пул аст. Бояд тазаккур дод, ки бунёди роҳи оҳани Душанбе-Қурғонтеппа-Кӯлоб имконият медиҳад, ки ҳаҷми мусофиркашонӣ ва боркашонӣ аз маркази ҷумҳурӣ ба минтақаи ҷануби кишвар афзоиш ва арзиши он коҳиш ёфта, солона ба иқтисодиёти кишварамон 46 миллион сомонӣ фоида орад.
Мавриди зикр аст, ки чор сол муқаддам, аниқтараш соли 2012 Ҳукумати Ҷумҳурии Тоҷикистон баъди қатъ гардидани ҳаракати қатораҳо дар масири Амузанг-Хатлон, бо мақсади пайваст намудани қитъаи роҳи оҳани минтақаи ҷануби Тоҷикистон бо пойтахт ба сохтмони роҳи оҳани Душанбе-Қурғонтеппа-Кӯлоб оғоз намуд.
Бояд тазаккур дод, ки алҳол Ҷумҳурии Тоҷикистон дорои 977 км роҳи оҳан буда, тибқи маълумоти расмӣ дар зарфи 25 соли Истиқлолияти давлатии Ҷумҳурии Тоҷикистон 208 км роҳи оҳани нав ба истифода дода шудааст, ки тӯлонитарини он роҳи оҳани Қурғонтеппа- Кӯлоб бо дарозии 132 км ба шумор меравад.
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
