Ширкати «Гражданские самолёты Сухого» маҳсулоти худро ба кормандони ширкати ҳавопаймоии «Сомон Эйр» муаррифӣ кард

Душанбе, 25.08.2016. /АМИТ «Ховар»/. Ҳайати роҳбарикунандаи ширкати ҳавопаймоии «Сомон Эйр» бо директор оид ба фурўши ширкати «Гражданские самолёты Сухого»-и Русия Фируз Ҳасанов мулоқот анҷом дод. Кормандони ширкати «Гражданские самолёты Сухого» маҳсулоти худро ба менеҷерони ширкати ҳавопаймоии «Сомон Эйр» муаррифӣ карда, зикр карданд, ки ҳавопаймои SSJ100 барои иҷрои парвозҳо дар масофаи кўтоҳ аз ҷиҳати иқтисодӣ хеле мусоид мебошад. Тарафҳо ба хулоса омаданд, ки баъди аз ҷониби корхонаи истеҳсолкунанда пешкаш кардани пешниҳоди тиҷоратӣ мулоқотро давом хоҳанд дод.
Дар ин бора ба АМИТ «Ховар» котиби матбуотии «Сомон Эйр» Тимур Бандишоев иттилоъ дод.
Инчунин роҳбарияти ширкати «Сомон Эйр» бо намояндагони ширкати ҳавопаймоии «Qatar Airways» мулоқот намуд. Намояндагон «Qatar Airways» ба роҳбарияти ширкати ҳавопаймоии «Сомон Эйр» таърих ва фаъолияти худро муаррифӣ намуданд. Пас аз муаррифӣ, масъалаи ҳамкории имконпазир миёни ду ширкати ҳавопаймоӣ мавриди баррасӣ қарор гирифт.
Феълан ширкати ҳавопаймоии «Сомон Эйр» парвозҳоро аз Тоҷикистон ба Олмон, АМА, Туркия, Русия, Чин ва Қазоқистон бомуваффақият анҷом медиҳанд.