Қарзи давлатии ИМА ба $19,5 трлн. баробар шуд

Душанбе, 02.09.2016 /АМИТ «Ховар»/. Ҳаҷми умумии қарзи давлатии ИМА бори аввал ба $19,5 трлн. баробар шуд. Дар ин бора Вазорати молияи ин кишвар хабар додааст.
Ҳамчунин зикр карда мешавад, ки ҳангоми омадани Барак Обама ба мақоми президенти ИМА, ҳаҷми қарзи давлатии ин кишвар тақрибан $10,6 триллионро ташкил медод.
Интизор меравад, ки дар охири муҳлати раёсати президенти кунунӣ вомҳои давлатӣ аз $20 трлн. боло раванд.
Ёдовар мешавем, ки аввали моҳи август Вазорати молияи ИМА қарзи давлатии кишварро барои нимсолаи дуюми соли 2016 $383 млрд. пешбинӣ карда буд.