«Авитсена» дар арафаи ҷашни Истиқлол дар Ҳисор фермаи ширию молиро таҷдид кард
Душанбе, 09.09.2016. /АМИТ «Ховар»/. Дар остонаи ҷашни Истиқлолияти давлатии Ҷумҳурии Тоҷикистон ширкати «Авитсена» дар шаҳри Ҳисор дар заминаи ҶДММ «Абдурауф Юсуфов» фермаи ширию молиро навсозӣ намуда, ба истифода дод.
Комил Холиқов, муовини директори ширкати «Авитсена» дар суҳбат ба хабарнигори «Ховар» гуфт, ки ин тадбир, яъне таҷдиди фермаи ширию молӣ бо мақсади таъмини аҳолии шаҳри Ҳисор ва пойтахти кишвар, шаҳри Душанбе бо маҳсулоти ширӣ ва гӯштӣ андешида шудааст. Алҳол дар ферма 1000 сар чорвои калони шохдор барои истеҳсоли гӯшту шир парвариш мешавад, ки аз он 300 сарро чорвои ширдеҳи зоти голштин ташкил медиҳад. Комил Холиқов афзуд, ки бо таҷдиду навсозӣ ва мавриди истифода қарор додани фермаи чорвопарварӣ 47 нафар аҳолии маҳалӣ, ки 20 нафарашонро занону духтарон ташкил медиҳанд, бо кори доимӣ ва маоши хуб таъмин гардиданд. Мавсуф афзуд, ки фермаи чорвопарварӣ бо тамоми дастгоҳу таҷҳизоти муосири сохти олмонӣ ҷиҳозонида шудааст. Дар як шабонарӯз дар ферма 3,500 литр шир истеҳсол гардида, дар асоси қарордод ба комбинати шири Душанбе интиқол дода мешавад. Мудирияти ширкати «Авитсена» тасмим гирифтааст, ки дар оянда дар назди ферма коргоҳи коркарди ширро ба роҳ монад.
Бояд тазаккур дод, ки Ҷамъияти саҳҳомии кушодаи «Авитсена» 20 сол муқаддам таъсис ёфта, самти фаъолияташ ба рушди истеҳсолот ва сохтмон нигаронида шудааст.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
