Ишкошим: Мактабе, ки аз зилзила зарар дида буд, навсозӣ гардид
Ишкошим, 01.09.2016./АМИТ«Ховар»/. Хонандагони мактаби ибтидоии деҳаи Дашти ҷамоати Анадароби ноҳияи Ишкошим, ки соли гузашта бар асари зилзила таълимгоҳашон комилан тахриб гардида буд, соли нави таҳсилро дар мактаби замонавӣ оғоз карданд. Бинои мазкур бо маблағгузории шуъбаи сохтмони асосии Мақомоти иҷроияи ҳокимияти давлатии Вилояти Мухтори Кӯҳистони Бадахшон бунёд ёфта, барои сохтмони он 1 миллиону 350 ҳазор сомонӣ масраф гардид.
Сардори шуъбаи мазкур Шероз Абдуллоев гуфт, ки агарчӣ мактаби тахсилоти умумӣ аз ин деҳа ҳамагӣ як километр дур воқеъ аст, аммо ба иллати барфи зиёд ва баъзан ба сари роҳ баромадани гургҳо рафтуомади хонандагони хурдсолро ба мактаби ҳамсоя бо мушкил рӯ ба рӯ месохт. Аз ин рӯ мақомоти иҷроияи ҳокимияти давлатӣ қарор дод, ки то оғози соли нави таҳсил барои кӯдакони ин деҳа бинои нав бунёд карда шавад. Бино аз 5 синфхона, утоқи омӯзгорон ва як синфхонаи компютерӣ иборат аст. Сохтмони он аз моҳи маи соли равон оғоз ёфт ва дар давоми се моҳ ба анҷом расонда шуд.
Раҳбари таълимгоҳи мазкур Душанбе Назаров гуфт, ки «бинои мактаби моро ҳанӯз дар аввали солҳои 50-ум сохта буданд ва дар муддати ин солҳо бар асари барфу боронгариҳо вайрон гардид. Соли гузашта ба зилзила тоб наоварда, як қисми девораш фурӯ рафт. Мо гумон надоштем, ки ба ин зудӣ соҳиби бинои нави замонавӣ ва ҳамчунин соҳиби панҷ компютер шудем. Акнун омӯзгорони таълимгоҳ кӯшиш мекунанд бо истифода чунин шароити мусоид сатҳи таълиму тарбияи кӯдакону наврасонро ба зинаи баландтар бардоранд».
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
Масъалаҳои ташаккул ва рушди иқтисодиёти «сабз» дар шароити саноатикунонӣ баррасӣ карда шуданд
