Ноҳияи Дӯстӣ: Дарси сулҳи Рӯзи дониш дар бинои нави гимназия
Душанбе, 01.09.2016 /АМИТ «Ховар»/. Субҳи имрӯз дар ноҳияи Дӯстӣ бинои нави гимназияи давлатии № 1 ба истифода дода шуд. Хонандагони синфҳои болоии гимназияи мазкур минбаъд дарсҳои худро дар синфхонаҳои наву муосир мегузаронанд.
Тавре директори гимназияи № 1 ноҳияи Дӯстӣ Барно Одилова ба АМИТ «Ховар» иттилоъ дод, бо ба истифода додани бинои нав акнун 150 нафар хонандагони синфҳои болоӣ дар як баст ба таҳсил фаро гирифта мешаванд. Синфхонаҳои таълимии забонҳои тоҷикӣ, русӣ, англисӣ ва синфхонаи компютерӣ, инчунин синфхонаи таълими таърих ва ҳуқуқ бо асбобҳои таълимии муосир таҷҳизонида шуданд.
Дар маросими ифтитоҳи тантанавии бинои нави гимназия раиси ноҳияи Дӯстӣ Салоҳиддин Раҷабзода, менеҷери БР СММ дар вилояти Хатлон Абдуғанӣ Иброҳим ва роҳбарони идораҳои дахлдори ноҳия иштирок карда, зимни сухани табрикотӣ хонандагонро барои аз худ кардани донишҳои хубу аъло ва минбаъд омода будан барои хизмати шоиставу арзанда ба ватану миллати хеш даъват карданд.
Бояд гуфт, ки бинои нави гимназияи №1 ноҳия Дӯстӣ дар заминаи лоиҳаи «Баланд бардоштани сатҳи некуаҳволӣ дар минтақаҳои наздисарҳадии Тоҷикистону Афғонистон- LITACA» бо дастгирии Ҳукумати Ҷопон ба маблағи 1 миллиону 160 ҳазор сомонӣ дар давоми 5 моҳ ба истифода дода шуд.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
