Парчами Тоҷикистон дар деҳаи Бозиҳои V соҳилии Осиё дар шаҳри Дананги Ветнам барафрохта шуд

Сентябрь 24, 2016 11:23

 Душанбе, 24.09.2016 /АМИТ «Ховар»/. Дар як маросими ботантана, ки 22 сентябр дар шаҳри Дананги Ветнам барпо гардид, парчами миллии Тоҷикистон дар деҳаи Бозиҳои V соҳилии Осиё барафрохта шуд. Дар ин бора ба АМИТ «Ховар» аз Кумитаи миллии  олимпии Тоҷикистон хабар доданд.

Дар маросими ботантанаи барафрохтани парчамҳои миллии се кишвар — Малайзия, Тоҷикистон ва Ҳиндустон — муовини аввали раиси шаҳри Дананг Данг Виет Дунг, ки ҳамзамон муовини аввали раиси Кумитаи тадорукоти бозиҳо мебошад, суханронӣ кард. Ӯ ҳайатҳои ҳар се кишварро, ки барои ширкат дар Бозиҳои V соҳилии Осиё ба Ветнам омадаанд, хайрамақдам гуфт ва барояшон муваффақият орзу намуд.

Баъдан ҷаноби Дунг ба раҳбарони ҳайатҳои Малайзия, Тоҷикистон ва Ҳиндустон туҳфаҳои хотиравӣ тақдим кард. Дар навбати худ аз номи ҳайатҳо ба муовини аввали раиси деҳаи бозиҳо туҳфаҳо эҳдо шуданд.

Туҳфаи Кумитаи миллии олимпии Тоҷикистонро ба Данг Виет Дунг мудири кулли Кумитаи миллии олимпии Тоҷикистон Муҳаммадшо Абдуллоев супурд.

Бозиҳои Vсоҳилии Осиё дар шаҳри Дананги Ветнам аз 24-уми сентябр то 3-юми октябр барпо мегарданд. Дар назар аст, ки дар ин бозиҳо ҳудуди 5 ҳазор варзишгар аз 43 кишвари қора ширкат варзанд. Ба барномаи бозиҳо 22 намуди варзиш дохил аст.

Тоҷикистонро дар ин бозиҳо ду варзишгар – Нурсултон Бозоров ва Абдуғафур Абдуллоев — дар риштаи ҷиу-ҷитсу ва мураббӣ Алиҷон Давлатов, ки раиси Федератсияи ҷиу- ҷитсуи Тоҷикистон мебошад, намояндагӣ мекунанд.

Ҳамзамон дар шаҳри Дананг Ассамблеяи кулли Шӯрои олимпии Осиё баргузор мешавад, ки дар он Муҳаммадшо Абдуллоев ширкат меварзад.

Инчунин боз як намояндаи Тоҷикистон – довари дараҷаи байналмилалӣ Маҳмуд Абдуллоев, муовини аввали раиси Шӯрои самбои Осиё ва узви кумитаи иҷроияи Федератсияи байналмилалии самбо, ки сардори шуъбаи варзиши Кумитаи миллии олимпии Тоҷикистон мебошад, ба ҳайси сардовари мусобиқа оид ба самбо аз рӯи барномаи Бозиҳои V соҳилии Осиё таъин шудааст ва ӯ рӯзи 27 сентябр ба Ветнам сафар мекунад.

Ёдовар мешавем, мунтахаби Тоҷикистон дар Бозиҳои IV соҳилии Осиё, ки моҳи ноябри соли 2014 дар ҷазираи Пҳукети Тайланд бо ширкати варзишгарони 43 кишвар баргузор шуда буд, бо касби се медал (як тилло ва ду биринҷӣ) ҷойи 25-умро касб карда буд.

Сентябрь 24, 2016 11:23

Хабарҳои дигари ин бахш

«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад
ФУТБОЛ. Бозии дӯстона байни дастаҳои мунтахаби наврасони Тоҷикистон ва Узбекистон мусовӣ анҷом ёфт
ФУТБОЛ. «Истиқлол»-и Душанбе бо «Ал-Наср»-и Криштиану Роналду дар як гурӯҳ қарор гирифт
ЛИГАИ ЧЕМПИОНҲОИ ДУЮМИ ОСИЁ-2025/26. Имрӯз дастаҳои «Регар-ТадАЗ» ва «Аҳал»-и Туркманистон бо ҳам бозӣ мекунанд
Дастаи мунтахаби наврасони то 17-солаи Тоҷикистон мусобиқаи байналмилалиро дар Индонезия бо мусовӣ оғоз кард
Дар Бохтар ду майдончаи нави футбол мавриди истифода қарор гирифт
«ПЕШВОИ МИЛЛАТ ҲОМИИ ВАРЗИШ ВА ПУШТИБОНИ ҶАВОНОН». Дар Душанбе таҳти ин унвон ба ифтихори Рӯзи варзишгарон чорабинӣ баргузор шуд
Варзишгарони шаҳри Ҳисор соли 2025 соҳиби беш аз 340 медали тилло гардиданд