Вазорати корҳои хориҷии Ҷумҳурии Тоҷикистон соҳиби Шоҳҷоиза гардид!

Сентябрь 7, 2016 16:09

Душанбе, 07.09.2016./АМИТ «Ховар»/. Дирӯз дар шаҳри Душанбе расми ҷоизасупорӣ ба ғолибони даври ниҳоии Мусобиқаи ҷумҳуриявии мақомоти марказии ҳокимияти давлатӣ, мақомоти иҷроияи ҳокимияти давлатии вилоятҳо ва  шаҳру ноҳияҳо барои беҳтарин шаҳр, ноҳия, шаҳрак, деҳот, деҳа, маҳалла, хона ва оилаи намунавӣ, ки бо Амри Президенти Ҷумҳурии Тоҷикистон бахшида ба 25-солагии Истиқлолияти давлатии Ҷумҳурии Тоҷикистон моҳи феврали соли равон эълон шуда буд, доир гардид.

Тибқи қарори Комиссияи Мусобиқаи ҷумҳуриявӣ Вазорати корҳои хориҷии Ҷумҳурии Тоҷикистон барои татбиқи самарабахши сиёсати хориҷӣ, сохтмони бинои  Вазорат ва сарраёсати консулӣ аз ҳисоби маблағҳои хироҷи консулӣ, ҷорӣ намудани низоми раводиди электронӣ ва технологияҳои нав барои тайёр намудани шиносномаҳои биометрӣ ва кортҳои идентификатсионӣ беҳтарин мақомоти марказии ҳокимияти давлатии мамлакат дониста шуд ва сазовори  Шоҳҷоиза ва 50 ҳазор сомонӣ мукофотпулӣ гардид.

МИД

Прокуратураи генералии Тоҷикистон барои гирифтани ҷои якум бо  Дипломи дараҷаи 1 ва Агентии назорати давлатии молиявӣ ва мубориза бо коррупсия барои  гирифтани ҷои дуюм бо Дипломи дараҷаи 2 сарфароз гардонида шуданд.   Мукофотҳоро аз номи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон ба ғолибон  Сарвазири мамлакат Қоҳир Расулзода  супорид.

Хотиррасон менамоем, ки дар маҷмўъ наздик  ба 412 ҳазор оила аз 300  ҳазор  хонавода,  4144  деҳа, 370 деҳот, 57 шаҳрак, 52 ноҳия, 16 шаҳр, 3 вилоят ва 60 мақомоти марказии ҳокимияти давлатӣ дар Мусобиқа иштирок намуда, аз ҷониби комиссияҳо тибқи варақаҳои арзёбӣ  баҳогузорӣ гардидаанд.

 

Сентябрь 7, 2016 16:09

Хабарҳои дигари ин бахш

Ҳамкории судманди Тоҷикистон ва сохторҳои Созмони Милали Муттаҳид баррасӣ карда шуд
Дар Женева самтҳои муҳими ҳамкории Тоҷикистон бо UNHCR баррасӣ карда шуданд
Байни ҳукуматҳои Тоҷикистон ва Ҷопон доир ба лоиҳаи «JDS» Ёддоштҳои табодулӣ ба имзо расиданд
Дурнамои рушди муносибатҳои минтақаҳои Тоҷикистон ва минтақаи Приморски Русия дар бахшҳои гуногун баррасӣ шуд
Вазири корҳои хориҷии Тоҷикистон бо сафири навтаъйини Ҷумҳурии Мардумии Чин мулоқот намуд
Дар Конфедератсияи Швейтсария имконоту зарфияти сайёҳии Тоҷикистон муаррифӣ гардид
Сафири Тоҷикистон бо ҳамватанони муқими ҳавзаи федералии Шарқи Дури Русия вохӯрӣ намуд
Давлатшоҳ Гулмаҳмадзода ва Сергей Кузнесов дурнамои ҳамкории дуҷонибаро баррасӣ намуданд
Рушди ҳамкории фарҳангии Тоҷикистон ва Эрон баррасӣ шуд
Дурнамои таҳкими ҳамкории гуногунсоҳаи Тоҷикистон ва Узбекистон баррасӣ карда шуд
Ҷалби сармоягузории Швейтсария ба бахшҳои калидии Тоҷикистон баррасӣ карда шуд
Дар Душанбе оид ба омодагӣ ба Форуми сармоягузорӣ дар соҳаи сайёҳӣ брифинг доир шуд