«Корхонаи кимиёвӣ»-и шаҳри Исфара барои кумакҳои хайриявӣ 814 ҳазор сомонӣ ҷудо кардааст

Душанбе, 27.10.2016 /АМИТ «Ховар»/. Кормандони ҶСК «Корхонаи кимиёвӣ»-и шаҳри Исфара давоми нуҳ моҳи соли равон дар ҳаҷми 49 миллиону 294,8 ҳазор сомонӣ маҳсулот истеҳсол карданд, ки он нисбат ба ҳамин давраи соли гузашта 120,2 дарсадро ташкил дода, дар ифодаи нархҳои муқоисашаванда афзоиш ба 111 дарсад баробар мебошад.
Маҳсулоти истеҳсолшуда ба миқдори 44 миллиону 342, 6 ҳазор сомонӣ ба фурӯш рафта ба буҷети маҳаллӣ 9 миллиону 504 ҳазор сомонӣ маблағ ворид шудааст. Гуфтан ба маврид аст, ки корхонаи кимиёи шаҳри Исфара нақшаи ҳама намуди пардохтҳоро пурра ва сари вақт иҷро кардааст.
Дар ин давра ба ҷомеаи меҳнатӣ 8 миллиону 522,7 ҳазор сомонӣ маош пардохт карда шуд. Аз ҷониби корхона аз аввали сол то имрӯз ба андозаи 814 ҳазор сомонӣ маблағ барои кумакҳои хайриявӣ ҷудо шудааст.
Дар ин бора аз хадамоти матбуоти вилояти Суғд ба АМИТ «Ховар» хабар доданд.