Мубориза барои медалҳои биринҷии Чемпионати Тоҷикистон шиддат мегирад
Душанбе, 31.10.2016 /АМИТ «Ховар»/. Шоми дирӯз баъди анҷоми даври 18-уми бозиҳои Лигаи олии Чемпионати мамлакат яке аз даъвогарони мақоми сеюм дар мавсими футболи имсола- КМВА «Помир» муборизаро барои медалҳои биринҷӣ аз даст дод. «Регар ТадАЗ» дар варзишгоҳи «Политехникум» КМВА «Помир»-ро маҷбур намуд, ки бо натиҷаи 0:1 мағлуб шавад. Ягона голи Аҳтам Ҳамроқулов дар дақиқаи 65-ум металлургҳоро барои гирифтани ҷои сеюми ифтихорӣ боз ҳам наздиктар кард.
Дар ин давр «Хайр»-и Ваҳдат ҳам дар сафар бар «Равшан» бо натиҷаи 3:1 пирӯз гардид. Мӯҳсин Парпиев баъди бозгашт аз бозиҳои ниҳоии Чемпионати Осиё-2019 аз Баҳрайн дар ғалабаи «Хайр» бо ду тӯби задааш саҳм гузошт. Далер Шарифов (23) ва Далер Шомуродов(48, 11-метра) низ ба задани гол имкон ёфтанд.
Мағлубияти «Вахш»- Қӯрғонтеппа дар майдонаш дар ин давр аз дастаи «Хуҷанд»-и Хуҷанд (1:2) имкон медиҳад, ки футболбозони соҳили Сир барои ишғоли зинаи чорум мубориза баранд.
Ба ҳамин тартиб дастаҳои «Регар ТадАЗ» ва «Барқчӣ» ҳамоно муборизаро барои ҷои ифтихории сеюм пуршиддат мекунанд. Дар даври охирин «Регар ТадАз» дар Фархор бо «Ҳосилот» қувва меозмояд. «Барқчӣ» бо сабаби иштироки футболбозонаш дар бозиҳои ниҳоии Чемпионати Осиё-2019 боз 4 вохӯрии боқимонда дар ихтиёр дорад.
Ҷадвали мусобиқот чунин шакл гирифтааст:
| Б | Ғ | М | Б | Т/т | И | ||
| 1 | «Истиқлол» (Душанбе) | 17 | 13 | 3 | 1 | 62-19 | 42 |
| 2 | «Ҳосилот» (Фархор) | 16 | 10 | 4 | 2 | 35-13 | 34 |
| 3 | «Регар-ТадАЗ» (Турсунзода) | 16 | 9 | 2 | 5 | 35-19 | 29 |
| 4 | «Хайр» (Ваҳдат) | 17 | 7 | 5 | 5 | 25-24 | 26 |
| 5 | «Хуҷанд» (Хуҷанд) | 17 | 8 | 1 | 8 | 21-33 | 25 |
| 6 | КМВА «Помир» (Душанбе) | 17 | 7 | 3 | 7 | 21-15 | 24 |
| 7 | «Барқчӣ» (Душанбе) | 14 | 6 | 2 | 6 | 21-23 | 20 |
| 8 | «Вахш» (Қӯрғонтеппа) | 17 | 5 | 3 | 9 | 20-34 | 18 |
| 9 | «Равшан» (Кӯлоб) | 16 | 2 | 3 | 11 | 16-43 | 9 |
| 10 | «Парвоз» (Бобоҷон Ғафуров) | 17 | 1 | 2 | 14 | 14-47 | 5 |
Нишонзанҳои беҳтарин:
Манучеҳр Ҷалилов -22 («Истиқлол»),
Комил Саидов -12 («Барқчӣ»/«Ҳосилот»),
Ромиш Ҷалилов – 9 ( Регар ТадАЗ).
БОЗИҲОИ ОЛИМПИИ ПАРИЖ-2024. Ҳарифони паҳлавонони тоҷик дар ин мусобиқот муайян шуданд
Дар Варзишгоҳи «20-солагии Истиқлолият»-и шаҳри Хуҷанд насби чароғу сутунпояҳо оғоз гардид
Имрӯз дар Париж Бозиҳои 33-юми тобистонаи олимпӣ-2024 расман оғоз мегардад
Соли 2024 варзишгарони ноҳияи Исмоили Сомонӣ дар мусобиқаҳои ҷумҳуриявию байналмилалӣ 530 медали тилло ба даст оварданд
Варзишгарони Вазорати мудофиа соҳиби 38 медали тилло гардиданд
БОЗИҲОИ ОЛИМПИИ ПАРИЖ-2024. Ҳайати дастаи мунтахаби олимпии Тоҷикистон дар шаҳри Париж қарор дорад
Дар шаҳри Хоруғ барои дарёфти Ҷоми Раиси вилоят мусобиқа оид ба волейбол идома дорад
Соли равон дар вилояти Суғд 25 иншооти варзишӣ ба истифода дода шуд
ФУТЗАЛ. Дастаи мунтахаби Тоҷикистон бар тими миллии Қирғизистон пирӯз шуд
БОЗИҲОИ ОЛИМПИИ ПАРИЖ-2024. Тоҷикистонро аз намуди гӯштини ҷудо паҳлавонони шинохта муаррифӣ мекунад
Ваҳдат Ҳанонов фаъолияташро дар дастаи футболи «Сипоҳон»-и Эрон давом медиҳад
Дастаи мунтахаби Тоҷикистон ҷиҳати иштирок дар Бозиҳои олимпӣ ба шаҳри Парижи Фаронса сафар намуд
