Раиси вилояти Хатлон бо намояндагони ширкати «Cokey Systems» татбиқи лоиҳаи истеҳсоли шираи ширинбияро баррасӣ карданд
Душанбе, 27.10.2016 /АМИТ «Ховар»/. Раиси вилояти Хатлон Давлатшоҳ Гулмаҳмадзода ҳайати намояндагони ширкати «Cokey Systems»-и Японияро ба ҳузур пазируфт.
Д. Гулмаҳмадзода аз ҳамкориҳои давлати Япония дар татбиқи як зумра лоиҳаҳо дар соҳоти мухталифи хоҷагии халқи вилояти Хатлон, аз ҷумла аз рӯйи лоиҳаҳои истеҳсоли шираи ширинбия дар ноҳияи Қубодиён, бунёди иншооти обтаъминкунӣ дар ноҳияи Панҷ минатдории хешро баён намуда, изҳор дошт, ки мулоқоти имрӯза дар таҳкими равобити дӯстӣ ва ҳамкории минбаъдаи тарафҳо саҳми арзанда хоҳад гузошт.
«Татбиқи лоиҳаи истеҳсоли шарбати ширинбия дар корхонаи ҶСП «Аввалин» дар ноҳияи Қубодиён тибқи шартномаи сесолаи баимзорасида идома дорад ва корхона дар баробари истеҳсоли шарбати ширинбия аз партовҳои хушки он брикети сӯзишворӣ тайёр намуда, ба фурӯш бароварда истодааст»,- иброз дошт намояндаи ширкати «Cokey Systems»-и Япония хонум Казуко Мотомура.
Дар ин бора аз Мақомоти иҷроияи ҳокимияти давлатии вилояти Хатлон ба АМИТ «Ховар» хабар доданд.
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Имрӯз дар ноҳияҳои алоҳидаи кӯҳии Тоҷикистон борон меборад
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
