Теъдоди ширкатҳои вобаста ба ҳамлу нақл дар Тоҷикистон рӯ ба афзоиш аст
Душанбе, 27.09.2016 /АМИТ «Ховар»/. Масъалаи суғуртакунӣ бо ҷалби мутахассисони хориҷӣ ва дохилӣ зимни машварат дар мавзӯи «Нақшаи тадбирҳои якҷоя доир ба такмили муносиботи логистики нақлиётӣ дар Осиёи Миёна» баррасӣ гардид. Машварат бо ташаббуси Вазорати нақлиёти Ҷумҳурии Тоҷикистон ва ҷонибдории Барномаи ҷамъиятии олмонӣ оид ба ҳамкории байналмилалӣ (GIZ) доир гашт.
Тавре ки аз Вазорати нақлиёти кишвар хабар доданд, дар машварат кормандон ва мутахассисон вобаста ба кори ҳамлу нақли бор, аз ҷумла, кормандони масъули раёсатҳои байналмилалӣ, таҳлил ва дурнамои иқтисодӣ, авиатсияи гражданӣ, Хадамоти давлатии назорат ва танзим дар соҳаи нақлиёт, сохтмон ва хоҷагии роҳҳо, молия ва баҳисобгирии муҳосибавӣ ва ширкатҳои суғуртакунонии ҷумҳурӣ иштирок намуда, аз таҷриба ва мушкилоти ширкатҳояшон изҳори назар намуданд.
Муовини сардори Раёсати нақлиёти рӯизаминии Вазорати нақлиёти ҶТ Фаррух Неъматзода вобаста ба зарурати баргузории чунин машварат ва аҳамияти муҳокимаву таҳлили мавзӯъ, яъне пазируфтани ин падида дар соҳаи нақлиёт сухан намуд. «Теъдоди ширкатҳои вобаста ба ҳамлу нақл дар Тоҷикистон рӯ ба афзоиш аст ва вақти он расида, ки тамоми меъёрҳо ва таҷрибаҳои пешқадами ин соҳаи ширкатҳои хориҷӣ омӯхта ва амалӣ карда шаванд»,-афзуд Ф. Неъматзода.
Дар кори семинар намояндагони GIZ-и мустақар дар шаҳри Душанбе ва ширкати «ТрансАл»-и Ҷумҳурии Қазоқистон иштирок намуданд.
Дар 86 муассисаи таҳсилоти миёнаи касбии Тоҷикистон аз рӯйи 344 номгӯйи ихтисос мутахассисон омода карда мешаванд
Хиёбони Рӯдакӣ 57: манбаи имкониятҳои рақамӣ дар маркази Душанбе
Имрӯз ҳаво дар водиҳои Тоҷикистон то 44 дараҷа гарм мешавад
Муовини Сарвазири Тоҷикистон бо вазъи соҳаи кишоварзии шаҳри Турсунзода шинос шуд
Дар Хатлон беш аз 2,8 ҳазор қонуншиканӣ дар соҳаи истифодаи нерӯи барқ ошкор шудааст
Филми «Дар талоши ҳақиқат» дар Синамоҷашнвораи байналмилаии давлатҳои аъзои СҲШ бо ҷойзаи махсус қадрдонӣ шуд
Дар Техас шумораи ҳалокшудагон бар асари обхезӣ ба 80 нафар расид
Дар Суғд ба масофаи 665 метр корҳои соҳилмустаҳакамкунӣ анҷом дода шуд
Имрӯз ҳаво дар шаҳри Душанбе то 41 дараҷа гарм мешавад
Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
