Вазорати маориф ва илм: Тоҷикистон аз соли 2020 ба низоми таҳсилоти 12- сола мегузарад
Душанбе, 20.10.2016 /АМИТ «Ховар»/. Шоми 19 октябри соли равон вазири маориф ва илми Ҷумҳурии Тоҷикистон Нуриддин Саид бо муовини вазири маорифи Ҷумҳурии Мардумии Чин Чжу Чживен, Сафири Фавқулода ва Мухтори Ҷумҳурии Мардумии Чин дар Ҷумҳурии Тоҷикистон Юе Бин ва дигар намояндагони расмии ин кишвар вохӯрд.
Дар ин бора ба АМИТ «Ховар» аз Вазорати маориф ва илми кишвар хабар доданд.
Дар вохўрӣ ҷонибҳо вобаста ба низоми таълим дар муассисаҳои таълимӣ ибрози андеша намуданд. Муовини вазири маорифи Ҷумҳурии Мардумии Чин Чжу Чживен зикр кард, ки Ҷумҳурии Мардумии Чин ният дорад ба низоми таълими ҳатмии 15-сола гузарад.
Вазири маориф ва илми Ҷумҳурии Тоҷикистон Нуриддин Саид иброз намуд, ки Ҷумҳурии Тоҷикистон шурўъ аз соли 2020 ба низоми таҳсилоти 12-сола мегузарад, ки анҷоми гузариш соли 2032 дар назар дошта шудааст.
Инчунин дар доираи шартномаҳои мавҷуда миёни муассисаҳои таҳсилоти олии касбии ду кишвар ба роҳ мондани табодули бештари донишҷўёну омўзгорон, таъсиси шўроҳои диссертатсионӣ ва анҷом додани таҳқиқоти илмии муштарак, омўзиши таҷрибаи ҳамдигар, дар қатори забонҳои англисию олмонӣ ва арабӣ дар оянда ҷорӣ намудани забони чинӣ ба сифати забони хориҷӣ, сохтмони муассисаҳои таълимӣ ва амсоли инҳо аз зумраи масъалаҳое буданд, ки зимни нишаст мавриди баррасӣ қарор дода шуданд.
Аз байн бурдани коррупсия омили пешрафти ҳар давлат аст
ҲХДТ ба вакилии Маҷлиси намояндагон дар ҳавзаи интихоботии якмандатии Ҳамадонӣ, №35 номзад пешбарӣ намуд
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
Имрӯз дар ноҳияҳои алоҳидаи кӯҳии Тоҷикистон барф меборад
