Барномаи оммавӣ бахшида ба рӯзи умумиҷаҳонии мубориза бар зидди ВНМО

Ноябрь 29, 2016 16:13

Душанбе, 29.11.2016 /АМИТ «Ховар»/. Имрӯз бахшида ба рӯзи умумиҷаҳонии мубориза бар зидди ВНМО, ки ҳамасола 1 декабр дар тамоми ҷаҳон ҷашн гирифта мешавад, дар Маркази ҷумҳуриявии мубориза бар зидди вируси норасоии масунияти одам дар Вазорати тандурустӣ ва ҳифзи иҷтимоии Ҷумҳурии Тоҷикистон барномаи оммавӣ баргузор гардид. Дар ин бора аз Муассисаи давлатии Маркази ҷумҳуриявии пешгирӣ ва мубориза бар зидди бемории вируси норасоии масунияти одами Вазорати тандурустӣ ва ҳифзи иҷтимоии Ҷумҳурии Тоҷикистон хабар доданд.
Тавре ки Сайфиддин Каримов, директори Маркази мазкур иброз дошт, барномаи имрӯза ба «Ҳафтаи пешгирии сирояти ВНМО» бахшида шудааст. Бояд гуфт, ки чунин барномаҳо дар тамоми марказҳои мубориза бар зидди ВНМО-и шаҳру ноҳияҳои ҷумҳурӣ баргузор мегарданд. Дар ин рӯз ба ҳама хоҳишмандон ташхиси ихтиёрӣ ва ройгон расонида мешавад. Ҳангоми аз ташхис гузаштан ҳамчунин шахсон метавонанд нисбат ба пешгирӣ ва мубориза бар зидди ин сироят маълумот гиранд.
«Дар Тоҷикистон баҳри пешгирӣ ва муқовимат бо ВНМО корҳои хеле зиёд ба сомон расонида шудаанд. Аммо баҳри расидан ба барҳамдиҳии ин сироят то соли 2030 корҳои зиёдро амалӣ намудан зарур аст. Сирояти ВНМО имрўз дар ҳамаи минтақаҳои ҷумҳурӣ ба мушоҳида мерасад. То 1 октябри соли 2016 дар ҷумҳурӣ тибқи маълумоти оморӣ 6621 нафар шахсони бо ВНМО зиндагикунанда ба қайд гирифта шудаанд»,-зикр шуд дар ҷамъомад.
«Амалисозии чорабиниҳо бар зидди ин сироят ба он равона гардидааст, ки дар давоми 10-15 соли оянда пеши роҳи ин сирояти марговар гирифта шавад. Барои ин зарур аст, ки одамон ҳар чи бештар дар бораи ин сироят маълумот дошта бошанд, аз ташхиси фаврӣ гузаранд, шумораи ҳар чи зиёдтари сироятёфтагон табобати зиддиретровирусӣ гиранд ва дар нафарони сироятёфта пастшавии сарбории вирусӣ ба мушоҳида расад. Танҳо дар ҳамин ҳолат мо метавонем пеши роҳи паҳншавии ин сироятро гирем»,-гуфт С. Каримов.

Ноябрь 29, 2016 16:13

Хабарҳои дигари ин бахш

Имсол дар Тоҷикистон беш аз 37 ҳазор метр корҳои соҳилмустаҳкамкунӣ гузаронида мешавад
Имрӯз дар ноҳияҳои алоҳидаи Тоҷикистон борони кӯтоҳмуддат меборад
Пешвои миллат: «Ҳамеша шукронаи соҳибватаниву соҳибдавлатӣ, сулҳу субот ва зиндагии орому осудаи худро ба ҷо оварем»
Имрӯз дар Тоҷикистон чангу ғубор ба амал меояд
Сергей Лебедев: «Қазоқистон аввалин мизбони Форуми волонтёрони Иттиҳоди Давлатҳои Мустақил мегардад»
Сардори Хадамоти алоқа бо фаъолияти ширкати «МегаФон Тоҷикистон» шинос шуд
МЕГАФОН ТОҶИКИСТОН. Наврасони Душанбе худро ситораи футбол эҳсос карданд
Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини бахши молиявии Ҳизби Халқи Демократии Тоҷикистон машварати омӯзишӣ оғоз гардид