Маликшо Неъматов бо доктор Аҳмет Байрактар оид ба имконоту захираҳои иқтисодӣ ва фазои сармоягузории Тоҷикистон суҳбат кард
Душанбе, 05.11.2016. /АМИТ «Ховар»/. 4 ноябри соли равон мулоқоти Сафири Фавқулода ва Мухтори Тоҷикистон дар Олмон Маликшо Неъматов бо директори генералии Намояндагии Палатаи тиҷорат ва саноати Туркияву Олмон ҷаноби доктор Аҳмет Байрактар баргузор шуд.
Тавре аз Сафорати Тоҷикистон дар Олмон хабар доданд, зимни суҳбат Сафир Маликшо Неъматов оид ба имконоту захираҳои иқтисодии кишвар, фазои сармоягузорӣ ва ҳавасмандии ҷониби Тоҷикистон барои ҷалби сармояи соҳибкорони Туркияву Олмон маълумоти муфассал ироа дошт.
Дар навбати худ ҷаноби доктор Аҳмет Байрактар омодагии худро барои дар якҷоягӣ бо Сафорат дар ташвиқу тарғиби лоиҳаҳои сармоягузорӣ ва расонидани маълумотҳо оид ба имкону захираҳои сармоягузории Тоҷикистон дар доираи ҷомеаи иқтисодии Туркияву Олмон изҳор дошт.
Суҳбат дар фазои дӯстӣ ва ҳусни тафоҳуми якдигарӣ баргузор гардид.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
