«Мавқеи шахс, роҳбар ва омма дар таърих»- ҳамоиш дар Кумитаи кор бо занон
Душанбе, 09.11.2016 /АМИТ «Ховар»/. Дар Кумитаи кор бо занон ва оилаи назди Ҳукумати Ҷумҳурии Тоҷикистон дар мавзӯи «Мавқеи шахс, роҳбар ва омма дар таърих» дар доираи Барномаи давлатии «Тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон аз ҳисоби занону духтарони лаёқатманд барои солҳои 2007-2016» бо иштироки донишҷӯдухтарони фаъолу аълохони донишгоҳу донишкадаҳои олии кишвар ҷамъомад баргузор гардид. Дар ин бора аз Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд.
Ҳадафи ҳамоиш- фаъолгардонии нақши духтарон дар ҷомеа, омода намудани духтарони сарвар, тарбияи кадрҳои болаёқат, дарёфти истеъдодҳои ҷавон аз ҳисоби донишҷӯдухтарон, мусоидат намудан ба такомули шахсӣ ва боло бурдани маърифати сиёсию ҳуқуқии онҳо буд.
Идигул Қосимзода, Раиси Кумитаи кор бо занон ва оилаи назди Ҳукумати Ҷумҳурии Тоҷикистон дар ҳамоиш гуфт: «Масъалаҳои сарварӣ ва идоракунии самараноки равандҳои иҷтимоию сиёсӣ ба қатори масъалаҳои муҳими дорои хусусияти назариявию илмӣ ва амалӣ дохил мешаванд. Дар ҳама давру замон пешрафт ва рушди ҷомеаро ҳамбастагӣ ва алоқамандии омилҳои объективӣ ва субъективӣ ташкил дода, дар ин раванд мавқеъ, таъсир ва нуфузи ниҳоди сарварӣ мақоми махсуси худро дошт».
Устоди Донишгоҳи миллии Тоҷикистон, равоншинос Маҳмадулло Давлатов зикр намуд, ки «мавзӯи имрӯза ташаббуси саривақтӣ буда, барои тарбия намудани духтарони сарвар аз зинаи таҳсилот ва омода намудани кадрҳои болаёқат ба сифати кадрҳои роҳбарикунанда имкони хуб мебошад».
Абдусалом Назаров дар боғаш 12 навъи зардолу парвариш менамояд
Дар доираи татбиқи «Барномаи рушди иқтисодию иҷтимоии ноҳияи Рашт барои солҳои 2021-2025» 256 иншоот сохта мешавад
Имрӯз дар шаҳри Душанбе ҳаво то 37 дараҷа гарм мешавад
Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
