Сафорати Қазоқистон ба Китобхонаи миллии Тоҷикистон китобҳоро бо забонҳои тоҷикӣ, қазоқӣ ва англисӣ тақдим кард
![](https://khovar.tj/wp-content/uploads/2016/07/Kitobhona.jpg)
Душанбе, 02.11.2016 /АМИТ «Ховар»/. Сафоратхонаи Ҷумҳурии Қазоқистон дар Ҷумҳурии Тоҷикистон ба Китобхонаи миллии Тоҷикистон якчанд номгӯй китобҳоро бо забонҳои тоҷикӣ, қазоқӣ ва англисӣ тақдим кард. Дар ин бора аз Китобхонаи миллии Тоҷикистон ба АМИТ «Ховар» хабар доданд.
Дар маросими тақдими асарҳо Сафири Фавқулода ва Мухтори Ҷумҳурии Қазоқистон дар Тоҷикистон ва роҳбарияти Китобхонаи миллии Тоҷикистон иштирок намуданд.
Ёдовар мешавем, ки Тоҷикистон ва Қазоқистон дар соҳаҳои илму маориф робитаи хуб доранд ва он тақвият дода мешавад. Як намунаи мустаҳкамии ҳамкорӣ- таъсиси гӯшаи алоҳидаи китобҳои нависандагони Қазоқистон дар КМТ мебошад.