Аз Паём то Паём: Масъалаи баланд бардоштани сатҳи зиндагии аҳолӣ мутаносибан иҷро гашт
ДУШАНБЕ, 19.12.2015. /АМИТ «Ховар»/. Бо назардошти рушди иқтисодиёти мамлакат, идоракунии самараноки захираҳои молиявии давлатӣ ва ба эътидол овардани хароҷот Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паём ба Маҷлиси Олии Ҷумҳурии Тоҷикистон 20 январи соли 2016 таъкид доштанд, ки аз 1 июли соли равон марҳалаи навбатии зиёдшавии музди меҳнат амалӣ карда шавад.
Дар робита ба ин супориш бо сардори раёсати ҳуқуқи дастгоҳи марказии Вазорати меҳнат, муҳоҷират ва шуғли аҳолии ҶТ Наврӯз Самадзода суҳбат кардем.
Бино ба гуфтаи мусоҳиб, имрӯз музди меҳнати ҳадди ақал дар ҷумҳурӣ 400 сомониро ташкил медиҳад. «Дар ин замина корҳои мушаххас анҷом дода шуданд. Вобаста ба зиёд кардани музди меҳнат дар ҷумҳурӣ, танҳо аз моҳи сентябри соли 2012 нисбат ба моҳи июли соли 2016 ҳадди ақали музди меҳнат ду маротиба зиёд шудааст. Андозаи музди меҳнат дар соҳаи иқтисодиёт беш аз 76 фоиз афзоиш ёфта, зиёдшавии миёнасолонаи музди меҳнат дар давоми солҳои 2012 -2016- 19 фоизро ташкил дод. Дар ин давра музди меҳнати баландтарин дар ҳудуди ҷумҳурӣ дар ташкилотҳои хориҷӣ ба қайд гирифта шуда, минбаъд музди меҳнати баланд дар соҳаи молия ва қарз, нақлиёт ва алоқа ба назар гирифта шудааст. Музди меҳнати номиналии пасттарин дар соҳаи тандурустӣ, ҳифзи иҷтимоӣ, маориф, мақомоти давлатӣ ва мудофиа ба қайд гирифта шудааст. Дар соли 2016 фармони дахлдор қабул шуда, музди меҳнат аз моҳи июл дар ҷумҳурӣ баланд бардошта шуд. Дар бахши давлатӣ пардохти музди меҳнат мунтазам буда, дар бахши хусусӣ ҳолатҳои қафомонӣ ё қарздории пардохти музди меҳнат мавҷуданд. Дар маҷмӯъ, вобаста ба супоришҳои Паёми соли 2016 бояд гуфт, ки масъалаи баланд бардоштани сатҳи зиндагии аҳолӣ мутаносибан иҷро гаштааст»,- илова намуд сардори раёсати ҳуқуқи дастгоҳи марказии Вазорати меҳнат, муҳоҷират ва шуғли аҳолии ҶТ Наврӯз Самадзода.
Л. ҚОСИМОВА
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
