Бадахшон: Корҳои бехатаргардонӣ дар ҳавзи сунъии Барсем идома доранд
ХОРУҒ, 26.12.2016. /АМИТ Ховар/. Мутахассисони ҶДММ «Шариф» ният доранд то фаро расидани фасли гармо садди сунъии ҳавзи Барсемро рахна кунанд.
Соли гузашта бар асари ҷорӣ шудани сел дар деҳаи Барсеми ҷамоати Сучони ноҳияи Шуғнон маҷрои дарёи Ғунд баста шуда, ҳавзи сунъӣ бо чуқурии 20 метр ва дарозияш наздик ба ду километру 800 метр ба вуҷуд омад. Ҳаҷми умумии оби дохили ҳавз зиёда аз 6 миллион метри кубиро ташкил дод. Ба иттилои сардори шуъбаи сохтмони асосии мақомоти иҷроияи маҳалии ҳокимияти давлатии ВМКБ Шероз Абдуллоев, бо дастури Пешвои миллат баъди ба макони амн кӯчонидани 82 оилаи бесарпаноҳмонда ва бо хӯроку либос ва хаймаҳо таъмин кардани онҳо гурӯҳи коргарон бо истифода аз техникаву таҷҳизоти пуриқтидор зуд ба рахна намудани садди маснуии ҳавз оғоз намуданд. Зеро дар сурати баланд гардидани сатҳи оби ҳавз хатари зери об мондани яке аз калонтарин неругоҳҳои ВМКБ- Неругоҳи барқи обии «Помир 1» ва комилан аз байн рафтани роҳи байналмилалии Хоруғ-Мурғоб- Кулма ба вуҷуд меомад.
Рахна намудани садди сунъӣ бар уҳдаи ҶДММ «Шариф» гузошта шуд. Ба сабаби дароз ва зиёд будани ҳаҷми он қарор дода шуд, ки барои берун кардани оби рӯдхона аз ду тараф хандақ канда шавад. Дар натиҷаи анҷом додани ин корҳо то ба имрӯз чуқурии ҳавз ба 8 метр расонда шуда, ҳаҷми оби боқимонда 1 млн 200 ҳазор метри кубиро ташкил медиҳад.
Айни ҳол дар мавзеи мазкур ду эксковатор, як механизми боркун ва ду мошини пуриқтидори боркаш машғули кор мебошанд.
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
