Кумитаи забон ва истилоҳот: «Қисми зиёди марказҳои хизматрасонӣ ба талаботи Қонуни Ҷумҳурии Тоҷикистон «Дар бораи забони давлатии ҶТ» ҷавобгӯ нестанд»
ДУШАНБЕ, 15.12.2016 /АМИТ «Ховар»/. Дар Кумитаи забон ва истилоҳоти назди Ҳукумати Ҷумҳурии Тоҷикистон ҷаласаи ҷамъбасти фаъолияти солонаи Кумита барои соли 2016 доир гардид.
Ҳисоботи ҷамъбастӣ аз ҷониби муовини Раиси Кумитаи забон ва истилоҳот Саодатшо Матробиён шунида шуд. Дар ҳисобот зикр гардид, ки зимни санҷишҳо дар ноҳияҳои пойтахт ошкор гардид, ки қисми зиёди марказҳои хизматрасонӣ ба талаботи Қонуни Ҷумҳурии Тоҷикистон «Дар бораи забони давлатии ҶТ» ҷавобгӯ набуда, барои бартараф кардани камбудиҳо 32 санади огоҳӣ ва 15 огоҳии шифоҳӣ тартиб дода шуд.
Аз ҷониби мақомоти судӣ дар ин давра барои риоя нагардидани муқаррароти Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» бо моддаи 89 Кодекси ҳуқуқвайронкунии маъмурии Ҷумҳурии Тоҷикистон 27 адад парвандаи ҳуқуқвайронкунии маъмурӣ баррасӣ карда шуда, ба андозаи 23 260 сомонӣ ҷарима таъйин гардид. Аз ин маблағҳо 18740 сомонӣ ба фоидаи давлат рӯёнида шуд.
Дар ҷаласа ҳамчунин гузориши сардори шуъбаи танзими истилоҳот Р. Зулфониён оид ба вазъи таҳияи китобҳои дарсии «Забони давлатӣ» барои синфҳои 3, 7 ва 9 барои мактабҳои таълимашон ба забони русӣ, ки аз Вазорати маориф ва илми Ҷумҳурии Тоҷикистон ба Кумита барои ташхиси забоншиносӣ ва мувофиқа намудан пешниҳод гардидаанд, шунида шуд.
Нақшаи кории Кумитаи забон ва истилоҳоти назди Ҳукумати Ҷумҳурии Тоҷикистон барои нимсолаи аввали соли 2017 аз ҷониби сардори шуъбаи ташкилию ҳуқуқии Кумита Ш. Мансурӣ ба иштирокдорон шинос карда шуд, ки он аз ҷониби ҳайати мушовара баррасӣ гардид. Ҳамзамон қарор оид ба нақшаи фаъолияти Кумита барои нимсолаи якуми соли 2017 қабул гардид.
Аз ҷониби ҳайати мушовара ҳисоботи солонаи фаъолияти Кумита барои соли 2016 қаноатбахш ҳисобида шуд.
Дар мақомоти Ваколатдор бахшида ба 32-солагии таъсиси Қувваҳои Мусаллаҳ ҳамоиши идона доир гардид
БӮЙИ БАҲОР МЕРАСАД. Тоҷикистониёнро дар ин фасл чӣ гуна ҳаво интизор аст?
Имрӯз дар шаҳри Душанбе ҳаво то 17 дараҷа гарм мешавад
Дар қисми низомӣ дар вилояти Суғд Рӯзи дарҳои кушод доир гардид
Маркази ҷумҳуриявии илмии саратоншиносӣ бо дастгоҳи муосири ташхиси рентгении рақамӣ (Digital x-ray) таъмин гардид
Таҳаввулоти рақамӣ: чӣ тавр технологияҳои рақамӣ ҳаётро тағйир медиҳанд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
