Ҷамъомади фарҳангӣ дар Осорхонаи Зиёдулло Шаҳидӣ

ДУШАНБЕ, 13.01.2017. /АМИТ «Ховар»/. Дирӯз дар Осорхонаи ҷумҳуриявии маданияти мусиқии ба номи Зиёдулло Шаҳидӣ бо иштироки хонандагони Гимназияи хусусии «Тоҷикистон» ҷамъомади фарҳангӣ доир гардид.
Тавре аз Вазорати фарҳанги Ҷумҳурии Тоҷикистон хабар доданд, ҷамъомади мазкур дар робита ба эълон гардидани Соли 2017- соли ҷавонон дар ҳамкорӣ бо ҳамкории Ширкати сайёҳии «Сайру сайёҳат» ташкил шуда, ба ҷалби ҷавонон ба барномаҳои фарҳангию маърифатии Осорхонаи ба номи Зиёдулло Шаҳидӣ равона шудааст.
«Директори Осорхона Юсуф Шоев ба хонандагони гимназия ва волидайни онҳо оид ба мероси эҷодии композиторони тоҷик маълумот дода, оид ба мавзӯи баланд бардоштани ҳисси ватандӯсти ва ифтихор аз фарҳанги миллӣ суҳбат намуд»,-хабар доданд аз Вазорати фарҳанги ҷумҳурӣ.