Дар Душанбе фаъолияти Ҷамъияти дӯстӣ бо кишварҳои хориҷӣ натиҷагирӣ гардид
ДУШАНБЕ, 26.01.2017/АМИТ «Ховар»/. Натиҷаи фаъолияти Ҷамъияти дӯстӣ ва равобити фарҳангии Тоҷикистон бо кишварҳои хориҷӣ /ҶДРФТ/ дар соли 2016 зимни ҷаласаи ҳисоботии ин ниҳод, ки дар Душанбе таҳти раёсати Сайдулло Хайруллоев, раиси ҶДРФТ доир гардид, баррасӣ шуд.
Дар ҷаласа сафирони кишварҳои хориҷӣ, раисони анҷуманҳои дӯстӣ, сарварони иттиҳодияҳо ва марказҳои миллию фарҳангии ақаллиятҳои миллии кишвар иштирок намуданд.
Зикр шуд, ки Раёсати ҶДРФТ бо кишварҳои хориҷӣ фаъолияти худро дар самти таҳкими ҳамкории фарҳангӣ бо кишварҳои хориҷӣ ба роҳ монда, дар самти тақвияти иртибот бо марказҳои миллию фарҳангии ақаллиятҳои миллии кишвар, густариши ҳамкорӣ бо сафоратҳо ва созмонҳои байналмилалии муқими Тоҷикистон ба роҳ монд. Дар ин давра сомонаи интернетии ҶДРФТ таҳти унвони www.friendship.tj фаъол гардида, дар самти тақвияти ҳамкории фарҳангӣ бо кишварҳои хориҷӣ ва анҷуманҳои дӯстӣ корҳои назаррас ба анҷом расонида шуд. Дар ду шумораи махсуси маҷаллаи «Дӯстӣ»-и ҶДРФТ мавод бахшида ба 25-солагии барқарории муносибатҳои дипломатии Ҷумҳурии Тоҷикистон бо Ҷумҳурии Қазоқистон ва муносибатҳои дипломатии Ҷумҳурии Тоҷикистон ва Ҷумҳурии Мардумии Чин нашр шуд. Инчунин дар ин давра ба ифтихори 25-солагии Истиқлолияти давлатии Ҷумҳурии Тоҷикистон ва 25-солагии таъсиси Иттиҳоди Давлатҳои Мустақил ҳамоиши анҷуманҳои дӯстӣ бо ташаббуси ҶДРФТ бо кишварҳои хориҷӣ дар Душанбе доир гардид.
Дар ҷаласа сафирони кишварҳои хориҷӣ, раисони анҷуманҳои дӯстӣ ва сарварони иттиҳодияҳо ва марказҳои миллию фарҳангии ақаллиятҳои миллии Тоҷикистон доир ба тақвияти фаъолияти ЧДРФ Тоҷикистон бо кишварҳои хориҷӣ ибрози назар намуданд.
Дар анҷоми ҷаласа нақшаи фаъолияти ЧДРФТ бо кишварҳои хориҷӣ барои соли 2017 баррасӣ ва тасдиқ гардид.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
