Дар маҳаллаи Бадахшон никоҳи барвақтӣ ва аз таҳсил дур мондани духтарон ба қайд гирифта шуд
ДУШАНБЕ, 30.01.2017 /АМИТ «Ховар»/. Таҳлилҳои Кумитаи кор бо занон ва оилаи назди Ҳукумати Ҷумҳурии Тоҷикистон нишон доданд, ки амалҳои зӯроварӣ дар оила нисбат ба соли гузашта коҳиш ёфта, никоҳи барвақтӣ, аз таҳсил дур мондани духтарон, рӯ овардани занону духтарон ба фарҳанги бегона ҳанӯз ҳам ҷой доранд. Ин ҳолатҳо махсусан дар маҳаллаи Бадахшони шаҳри Душанбе зиёд ба назар расиданд.
Тавре ки аз Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд, кормандони кумита муддати 10 рӯз дар маҳаллаҳои Бадахшон, Дӯстии халқҳо, Чехови шаҳри Душанбе ҷиҳати таҳлил ва баррасии ҳолатҳои зӯроварӣ дар оила, аз таҳсил дур мондани духтарон, никоҳи барвақтӣ ва тақлид ба фарҳанги бегона тадқиқоти сотсиологӣ гузарониданд.
Дар тадқиқоти мазкур хонаводаҳо ба таври тасодуфӣ интихоб гардида, бо розигии аъзои хонавода коршиносон бо нафарони аз 18 то 49-сола мусоҳиба анҷом доданд.
Аҳолии маҳаллаҳои номбурда зимни суҳбат баён доштанд, ки барои танзими муносибатҳои оилавӣ, ба таҳсил фаро гирифтани ҷавонон, махсусан духтарон, пешгирӣ намудани никоҳи барвақтӣ, никоҳи хешутаборӣ ва оқибатҳои он, роҳҳои ҳалли низоъҳои оилавӣ, пешгирии касалиҳои сироятӣ аз барномаҳои телевизионӣ, ҷамъомадҳои маҳаллӣ, суҳбату вохӯриҳо бо коршиносону равоншиносон маслиҳату тавсияҳои судманд мегиранд.
Тадқиқотчиён зимни гузаронидани пурсиш аҳолии ин маҳаллаҳоро барои пешгирии зӯроварӣ дар оилаҳо даъват карданд.
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
