Дар Пекин 25-умин солгарди барқарории муносибатҳои дипломатӣ миёни Чин ва давлатҳои Осиёи Марказиро таҷлил карданд

ДУШАНБЕ, 11.01.2017 /АМИТ «Ховар»/. Сафири Тоҷикистон дар Чин Парвиз Давлатзода 10 январ дар барномаи тантанавӣ ва фарҳангӣ бахшида ба 25-солагии барқарор намудани муносибатҳои дипломатӣ миёни Ҷумҳурии Мардумии Чин ва давлатҳои Осиёи Марказӣ, ки бо ибтикори Ҷамъияти  халқии Чин оид ба дӯстӣ бо кишварҳои хориҷӣ дар қароргоҳи ҳуқуматии «Дяодутай»-и шаҳри Пекин баргузор гардид, иштирок карда, сухан гуфт. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.

Дар барнома муовини Раиси Кумитаи умумичинии Шӯрои мардумии сиёсии машваратии Чин Луо Фухэ, Раиси Ҷамъияти мардумии Чин оид ба дӯстӣ бо кишварҳои хориҷӣ хонум Ли Сяолинг ва сафирони давлатҳои Осиёи Марказӣ дар Чин сухан гуфтанд.