Дар шаҳри Бӯстон ҷинояткории ноболиғону ҷавононро маҳкум карданд

БӮСТОН, 10.01.2017. /АМИТ «Ховар»/. Тарғибу ташвиқи Паёми навбатии Президенти кишвар ба Маҷлиси Олии кишвар ва ҳамчунин вазъи ҷинояткорӣ дар соли 2016 дар миқёси шаҳр, пешгирӣ ва пурзӯр намудани мубориза бар зидди ҳама гуна ҷинояткорӣ, таҳкими тартиботи ҳуқуқӣ ва таъмини амнияти шаҳрвандон- чунин буданд масъалаҳои асосии мулоқоти раиси шаҳр Рухсора Давлатзода ва сардори шуъбаи ВКД ҶТ дар шаҳри Бӯстон бо сокинон, ки дар толори Театри драма ва мазҳакаи русии ба номи А. Пушкини шаҳри Бӯстон доир гардид.
Аз маркази матбуоти мақомоти иҷроияи ҳокимияти давлатии шаҳр ба хабарнигори минтақавии АМИТ «Ховар» иттилоъ доданд, ки дар мулоқот сардори шуъбаи ВКД ҶТ дар шаҳри Бӯстон Ҳотам Дадобойзода оид ба таъмини боэътимоди волоияти қонун, тартибот ва амнияти ҷамъиятӣ, танзими раванди муҳоҷирати меҳнатӣ, пешгирии пайвастани ҷавонон ба ҳизбу ҳаракатҳои ғайриқонунӣ, ҷинояткории ноболиғону ҷавонон ва пешгирии тамоюлҳои бегонапарастӣ ибрози назар намуд.
Раиси шаҳри Бӯстон Рухсора Давлатзода перомуни Паёми навбатии Президенти Ҷумҳурии Тоҷикистон ба Маҷлиси Олии кишвар, оид ба қабули Қатъномаи Маҷмаи Умумии СММ оид ба Даҳсолаи байналмилалии амал «Об барои рушди устувор», солҳои 2018-2028, ҳамчунин ҷиҳати пешгирии ҳама гуна ҷинояткорӣ, вусъат бахшидан ба корҳои ободониву созандагӣ, таваҷҷуҳ ба масоили ҷавонон дар Соли ҷавонон, омодагиҳо ба истиқболи 20-солагии Рӯзи Ваҳдати миллӣ, 25-солагии Иҷлосияи 16-уми Шӯрои Олии Ҷумҳурии Тоҷикистон ва дигар ҷашнвораҳои бузурги миллӣ ибрози назар намуд.