Дар соли 2017 «Тоҷик Эйр» хатсайрҳои нав ифтитоҳ мекунад
ДУШАНБЕ, 23.01.2017 /АМИТ «Ховар»/. Ҷамъияти саҳҳомии кушодаи «Тоҷик Эйр» дар соли 2017 ният дорад ба якчанд самтҳои нав хатсайр ифтитоҳ намояд. Дар ин бора имрӯз зимни нишасти матбуотӣ директори генералии ин ширкат Хайрулло Раҳимов иттилоъ дод.
Бино ба гуфтаи Хайрулло Раҳимов, ширкат дар нимсолаи якуми соли 2016 парвозҳоро ба самти Душанбе-Пекин-Душанбе бо хизматрасонии ҷойҳои дараҷаи тиҷоратӣ ва инчунин парвозҳоро ба самти Душанбе-Сургут-Душанбе ва Хуҷанд-Нижневартовск-Хуҷанд роҳандозӣ намуд.
«Дар айни замон дар Ҷумҳурии мардумии Чин ҷашнҳои солинавӣ идома доранд ва парвозҳо муваққатан ба Пекин мавқуф гузошта шудаанд. Аз 27 феврал хатсайр боз фаъол хоҳад гашт»,-илова намуд директори генералии «Тоҷик Эйр».
Хайрулло Раҳимов афзуд, ки ҷамъияти тоҷикон дар Владивосток аз ширкати «Тоҷик Эйр» хоҳиш намудааст, ки ҳафтае як маротиба як хатсайр дар ин самт ифтитоҳ намоянд. Бо ин мақсад ширкат бо шарикони худ гуфтушунид гузаронида истодааст.
Дар шаҳри Душанбе ҷашни Меҳргон таҷлил мегардад
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
