Хоккей: дастаҳои мунтахаби ИМА ва Канада дар финал

ДУШАНБЕ, 5.01.2016 /АМИТ «Ховар»/. Дастаҳои мунтахаби ИМА ва Канада дар бозиҳои нимниҳоии Чемионати ҷаҳон оид ба хоккей байни ҷавонони то 20-сола, ки шаби гузашта баргузор шуд, ғалаба карда, ба вохӯриҳои финалӣ роҳхат гирифтанд.
Дастаи мунтахаби Америка дар бозии аввали нимниҳоӣ бо хоккейбозони тими мунтахаби Россия вохӯрд. Рақобати ин дастаҳо ниҳоят пуршиддат гузашт ва дар вақти асосӣ ва иловагӣ натиҷаи сулҳомези 3:3 ба қайд гирифта шуд. Барои муайян кардани ғолиб булитҳо таъйин шуданд. Бахти хоккейбозони амрикоӣ баландӣ карду бо ҳисоби 4:3 ғолиб омада, ба бозии финалӣ роҳхат гирифтанд.
Дар бозии дигари нимниҳоӣ дастаҳои мунтахаби Канада ва Шведсия вориди рақобат шуданд. Соҳибони чемпионат-канадагиҳо Шведсияро бо ҳисоби 5:3 шикаст доданд. Акнун онҳо 6 январ дар бозии финалӣ бо Америка қувва месанҷанд.
Дастаҳои мунтахаби Россия ва Шведсия имрӯз барои медалҳои биринҷӣ вориди майдон мешаванд.
Ёдовар мешавем, ки чемпионати ҷаҳон оид ба хоккей миёни ҷавонони то 20-сола шурӯъ аз 26 декабр то 6 январ бо ширкати 10 даста дар Канада ҷараён дорад.