Нусратулло Аюбзода: «Заҳматкашони ноҳияи Шаҳринав ҷашни бостонии Наврӯзро пуршукӯҳ таҷлил менамоянд»
ДУШАНБЕ, 11.01.2017 /АМИТ «Ховар»/. Заҳматкашони ноҳияи Шаҳринав соли сипаригардидаро бо натиҷаҳои назаррас ҷамъбаст намуданд. Дар ин бора зимни нишасти матбуотӣ раиси ноҳияи Шаҳринав Нусратулло Аюбзода ба рӯзноманигорон хабар дод.
Дар ин давра дар ҳамаи шаклҳои хоҷагидорӣ 20406 тонна ғалладона истеҳсол карда шуд, ки назар ба ҳамин давраи соли 2015 557 тонна зиёд мебошад. Ҳосилнокии ҳар як гектар 23,6 сентнериро ташкил дод, ки нисбат ба соли 2015-ум 0,2 сентнер зиёд аст. Аз ҷумла, истеҳсоли гандум ба 16228 тонна расонида шуд. Истеҳсоли пахта 742 тоннаро ташкил дода, ҳосилнокӣ ба 19,8 сентнерӣ расонида шуд, ки нисбат ба соли 2015 аз ҳар як гектар 4,2 сентнерӣ зиёд мебошад.
Истеҳсоли картошка дар ҳамаи шаклҳои хоҷагидорӣ ба 4619 тонна расонида шуд, ки нисбат ба соли 2015 186 тонна зиёд аст. Истеҳсоли сабзавот дар ҳамаи шаклҳои хоҷагидорӣ ба 49134 тонна расид, ки назар ба соли ҳисоботӣ 3323 тонна зиёд мебошад. Ҳосилнокӣ аз ҳар гектар 255 сентнериро ташкил медиҳад. Дар давраи ҳисоботӣ 554 тонна маҳсулоти полезӣ истеҳсол карда шуд.
Тамоми сокинони ноҳия барои дар сатҳи баланд ва пуршукӯҳ таҷлил кардани ҷашни байналмилалии Наврӯз омодагии ҳамаҷониба мебинанд. Алҳол корҳои шинонидани дарахтони гуногун, гулҳои рангоранг ва бо шиору овезаҳои ҷашнӣ оро додани тамоми ҳудуди ноҳия бомаром идома доранд.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
