Пагоҳ Агентии назорати давлатии молиявӣ ва мубориза бо коррупсия ва Вазорати молия ба саволҳои рӯзноманигорон посух медиҳанд

ДУШАНБЕ, 25.01.2017 /АМИТ Ховар/. Пагоҳ, 27 январи соли равон нишастҳои матбуотии Агентии назорати давлатии молиявӣ ва мубориза бо коррупсия, Вазорати молияи Ҷумҳурии Тоҷикистон, Раёсати Филиали Донишгоҳи давлатии Москва дар шаҳри Душанбе ва Кумитаи кор бо занон ва оилаи назди Ҳукумати Ҷумҳурии Тоҷикистон баргузор мегарданд.
Зимни нишастҳо роҳбарони ин ниҳодҳо аз дастовард ва камбудиҳои соҳаи худ ба хабарнигорони ВАО гузориш медиҳанд.
Ёдовар мешавем, ки нишасти матбуотии Агентии назорати давлатии молиявӣ ва мубориза бо коррупсия соати 9:00 дар толори Агентӣ, кӯчаи Карамов 20, нишасти Вазорати молияи Ҷумҳурии Тоҷикистон соати 9:00 дар толори Вазорати молия, нишасти Раёсати Филиали Донишгоҳи давлатии Москва соати 10 дар бинои худи Донишгоҳ ва нишасти Кумитаи кор бо занон ва оилаи назди Ҳукумати Ҷумҳурии Тоҷикистон соати 14:00 дар толори Маркази матбуоти ҷумҳуриявии Агентии миллии иттилоотии Тоҷикистон «Ховар» доир мегарданд.
Барои гузаронидани нишастҳои матбуотӣ вазорату идораҳо метавонанд бо Маркази матбуоти АМИТ «Ховар» бо рақами телефони 918-21-52-04 тамос гиранд.