Раиси Кумитаи андоз: «Дар натиҷаи санҷишҳо пинҳонкунии андозҳо ошкор гардид»
ДУШАНБЕ, 26.01.2017 /АМИТ «Ховар»/. Кормандони Кумитаи андози назди Ҳукумати Ҷумҳурии Тоҷикистон дар соли 2016 нисбат ба фаъолияти 1883 нафар шахсони ҳуқуқӣ ва соҳибкорони инфиродӣ санҷиши риояи қонунгузории андоз гузарониданд, ки беш аз 1 миллиарду 76 миллион сомонӣ кам ҳисобида шуд. Дар ин бора зимни нишасти матбуотии ин ниҳод раиси Кумита Нусратулло Давлатзода хабар дод.
Бо такя ба маълумоти раиси Кумита, дар натиҷаи санҷиш пинҳонкунии андозҳо ошкор гардида, 638,7 миллион сомонӣ ба буҷет ворид карда шуд.
Нусратулло Давлатзода дар робита ба ин маълумот зикр кард, ки ин нишондод нисбат ба соли 2015 аз ҳисоби санҷишҳои ба буҷети давлатӣ воридшуда 211 миллион сомонӣ зиёд мебошад. Роҳбарияти мақомоти андоз таъкид доштанд, ки соли гузашта нақшаи андозҳо ва пардохтҳои ҳатмӣ бе назардошти андози иҷтимоии ғайрибуҷетӣ ба андозаи 101 дарсад таъмин гардидааст.
Дар ин давра дар натиҷаи санҷишҳои амалиётӣ зиёда аз 24 ҳазору 600 ҳолати ҳуқуқвайронкунӣ ошкор ва шахсони дахлдор ба ҷавобгарии маъмурӣ кашида шудаанд.
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
Дар шаҳри Душанбе ҳавои камабри бебориш пешгӯӣ мешавад
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
