Варзиш гарави дӯстию рафоқат аст
ДУШАНБЕ, 26.01.2017 /АМИТ «Ховар»/. Дар Маркази таҳсилоти иловагии назди бахши маорифи шаҳри Сарбанд маҳфилҳои «Мусаввирон» ва «Дастони моҳир» дар мавзӯи «Соли 2017-соли ҷавонон» баргузор гардиданд.
Тавре ки аз хадамоти матбуоти вилояти Хатлон ба АМИТ «Ховар» хабар доданд, дар маҳфил озмунҳои расм, дастдӯзиҳои беҳтарин ва мусобиқаҳо оид ба футболи хурд, волейбол ва шоҳмот доир гардида, ғолибон бо ифтихорномаҳо қадрдонӣ шуданд.
Мақсади чунин озмунҳо рушди соҳаи варзиш, оммавигардонии он, ҷалби бештари ҷавонон ба тарзи ҳаёти солим, таҳким бахшидан ба дӯстию рафоқат, пешгирии ҷавонон аз даст задан ба ҳар гуна амалҳои номатлуб ва шавқовар гузаштани таътили зимистонаи мактаббачагон дар ҳамаи муассисаҳои таълимӣ мебошад.
Ҳамчунин рӯзҳои наздик баргузории мусобиқаҳо аз намуди гӯштини миллӣ, тенниси рӯйи миз ва дастхобонӣ дар назар дошта шудааст.
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
