Баррасии барномаи миллии ҳифзи меҳнат ва лоиҳаи «Меҳнати арзанда»
ДУШАНБЕ, 10.02.2017. /АМИТ «Ховар»/. Муовини якуми Вазири меҳнат, муҳоҷират ва шуғли аҳолии Ҷумҳурии Тоҷикистон Эмин Сангинзода 9 феврал бо ҳайати коршиносони Ташкилоти Байналмилалии Меҳнат (ТБМ) мулоқот анҷом дод.
Тавре ки аз Вазорати меҳнат, муҳоҷират ва шуғли аҳолӣ ба АМИТ «Ховар» хабар доданд, зимни мулоқот ҷонибҳо масъалаҳои марбут ба таҳия ва роҳҳои татбиқи Барномаи миллии ҳифзи меҳнат ва лоиҳаи «Меҳнати арзанда»-ро муҳокима намуданд. Дар мулоқот коршиносони ТБМ Ролф Бюшел, Мокану Валентина ва дигарон ҳузур доштанд.
Дар доираи татбиқи Барномаи ҳамкорӣ байни шарикони сетарафаи Ҷумҳурии Тоҷикистон ва Ташкилоти Байналмилалии Меҳнат 10 феврали соли равон дар шаҳри Душанбе оид ба масъалаҳои ҳифзи меҳнат ва шиносоии Кумитаи миллӣ бо лоиҳаи техникии нави ТБМ «Мубориза бар зидди меҳнати кўдакон ва хариду фурўши одамон» ҳамоиш баргузор мегардад. Дар назар аст, ки дар ҳамоиш таваҷҷуҳи хосса ба хулосаҳои лоиҳаи «Барномаи ҳифзи меҳнат» ва тавсияҳои зарурӣ ба он дода шавад. Дар асоси фикру назари коршиносон ва мутахассисони таҷрибадори соҳаи ҳифзи меҳнат ҷанбаҳои калидии кор дар ин самт муайян карда мешаванд.
Лоиҳаи Барномаи ҳифзи меҳнат бо дастгирии шарикони иҷтимоӣ ва ТБМ барои давраи солҳои 2018-2020 омода мегардад.
Дар шаҳри Истаравшан ҳунари шонасозӣ ривоҷи тоза меёбад
Имрӯз дар Тоҷикистон ҳаво то 40 дараҷа гарм мешавад
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
