Баррасии сиёсати давлатӣ оид ба рушди таҳсилоти ибтидоии касбӣ ва таълими калонсолон дар Тоҷикистон
ДУШАНБЕ, 17.02.2017 /АМИТ «Ховар»/. Имрўз дар Агентии меҳнат ва шуғли аҳолии Вазорати меҳнат, муҳоҷират ва шуғли аҳолии Ҷумҳурии Тоҷикистон бо дастгирии Хазинаи таҳсилоти Аврупо машварат дар мавзўи «Натиҷаҳои сиёсат ва низоми таҳсилот ва таълимоти касбӣ дар Тоҷикистон» баргузор гардид.
Тавре ки аз вазорати мазкур хабар доданд, дар он намояндагони сохторҳои марбутаи давлатӣ ва созмонҳои байналмилалӣ иштирок доштанд. Дар семинар масъалаҳои марбут ба сиёсати кунунии давлатӣ оид ба рушди таҳсилоти ибтидоии касбӣ ва таълими калонсолон дар Тоҷикистон, бозёфтҳои таҳлили кишварӣ дар Тоҷикистон, Раванди Туринии соли 2016-2017 мавриди баррасӣ қарор дода шуданд.
Иштирокчиён ҳамчунин ҷанбаҳои мухталифи ислоҳот ва рушди таҳсилоти ибтидоии касбӣ ва таълими калонсолон дар Тоҷикистон, аз ҷумла босамарӣ ва натиҷанокӣ дар аксуламал ба талаботи демографӣ, иҷтимоӣ, инклюзивӣ, иқтисодиёт ва бозори меҳнат, натиҷанокии дохилии низоми таҳсилоти касбӣ, идора ва низоми он, инчунин пешравии ислоҳот дар таҳсилоти касбиро таҳлилу арзёбӣ карданд. Таъкид гардид, ки барои корҳои минбаъда дар ҳамкорӣ ва ҳамдастӣ бо созмони Хазинаи таҳсилоти Аврупо дар доираи Раванди Турин пешниҳодоти созанда манзур гардад.
Бояд тазаккур дод, ки Раванди Турин соли 1994 бо узвияти 28 кишвар, аз ҷумла Ҷумҳурии Тоҷикистон дар шаҳри Турини Италия таъсис ёфта, дар самти дастгирии ҳамаҷонибаи рушди таҳсилоти касбӣ дар ҳудуди кишварҳои узв фаъолият менамояд.
«Амонатбонк» меъёри фоизи қарзҳоро аз 2 то 4 банди фоизӣ паст намуд
Имрӯз дар Тоҷикистон ҳавои камабр пешгӯӣ мешавад
Бо мақсади тақвияти рушди содирот ба бозори ҷаҳонӣ бо хоҷагидорони ноҳияи Ҷайҳун вохӯрӣ доир шуд
ДАРАХТ БИНШОН! Дар Ишкошим 300 бех ниҳоли гуногуни мевадиҳанда шинонида шуд
Дар шаҳри Бӯстон бо сокинони маҳаллаи «Ғалаба» мулоқоти судманд баргузор гардид
Ба воҳидҳои Кумитаи ҳолатҳои фавқулода ва мудофиаи граждании Тоҷикистон техникаи нав супорида шуд
Имрӯз дар Тоҷикистон ҳавои абрнок пешгӯӣ мешавад
Дар Донишгоҳи давлатии ҳуқуқ, бизнес ва сиёсати Тоҷикистон доир ба ҳифзи арзишҳои миллӣ ҳамоиш доир шуд
Дар Вашингтон дар назди мактаб тирпаронӣ ба амал омад
Гурӯҳи кории Кумитаи меъморӣ ва сохтмони Тоҷикистон дар шаҳрҳои Дубай ва Давҳа табодули таҷриба намуд
Ҳамкории байналмилалии Донишгоҳи технологии Тоҷикистон бо шарикон тақвият меёбад
Дар Кения шумораи бар асари бориши зиёд ҳалокшудагон аз 200 нафар гузашт
