Боздиди ҷавонон-ёрдамчиёни милитсия аз шуъбаи корҳои дохилӣ

ДУШАНБЕ, 14.02.2017 /АМИТ «Ховар»/. Гурӯҳи ҳамкории милитсия бо ҷомеаи ноҳияи Бобоҷон Ғафуров бо мақсади шиносоии наздик аз фаъолияти кормандони мақомоти корҳои дохилӣ ва мустаҳкам намудани робитаҳои байниякдигарӣ боздиди ҷавонон-ёрдамчиёни милитсияро ба ШВКД дар ноҳияи Бобоҷон Ғафуров доир намуд.
Тавре аз Хадамоти матбуоти Вазорати корҳои дохилии Ҷумҳурии Тоҷикистон хабар доданд, ҷавонон бо шароити корӣ, варзишӣ ва рафти хизматбарии кормандони милитсия аз наздик шинос шуда, бо онҳо дар мавзӯъҳои таъмини тартиботи ҷамъиятӣ, пешгирии ҷинояткорӣ, натиҷаи ҳамкории милитсия бо ҷомеа ва дигар мавзӯъҳои дахлдор ҳамсуҳбат шуданд.
«Вохӯрии мазкур дар доираи барномаи ислоҳоти милитсия ва тақвият бахшидани ҳамкории ҷомеа бо милитсия баргузор гардид»,- хабар дод манбаъ.