Дар Бадахшон бар асари тармафароӣ беш аз 70 мошини мусофирбару боркаш дармондаанд
ХОРУҒ, 20.2.2017 /АМИТ «Ховар»/. Назар ба иттилои навбатдори ситоди ҳолатҳои фавқулода ва мудофиаи граждании ВМКБ Мансурхон Додихудоев, роҳи Душанбе-Хоруғ чаҳор рӯз ин ҷониб баста буда, кормандон кӯшиш доранд сари вақт роҳро тоза кунанд. «Зиёда аз 70 мошини мусофирбару боркаш дар роҳи мошингарди Душанбе-Хоруғ дармонда, мусофирон ба ноҳияи Ванҷ интиқол дода шудаанд. То кушода шудани роҳ онҳо дар хонаҳои сокинони деҳот мемонанд. Пас аз тоза кардани тармаи деҳаи Шипади ноҳияи Рӯшон роҳи Душанбе-Хоруғ кушода хоҳад шуд»,- гуфт Мансурхон Додихудоев.
Ҳамчунин навбатдори ситоди мазкур иброз дошт, ки дар роҳи мошингарди Хоруғ-Мурғоб, Хоруғ-Ишкошим тармафароӣ зиёд шуда, тоза кардани ин тармаҳо муҳлати зиёдро талаб мекунад.
Тибқи иттилои манбаъ, бар асари тармафароӣ чанд манзил дар ноҳияҳои Ванҷу Шуғнон хароб гардидаанд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
