Дар Душанбе якчанд ҳолати дуздии барқ ошкор гардид
ДУШАНБЕ. 11.02.2017. /АМИТ «Ховар»/. Ситоди байниидоравии ҷумҳуриявӣ дар ҳудуди пойтахт якчанд қонуншиканиҳоро вобаста ба ғайриқонунӣ истифода бурдани нерӯи барқ, ҳолати санитарию гигиенӣ ва қоидаҳои бехатарӣ аз сӯхтор ошкор намуданд. Дар ин бора ба АМИТ «Ховар» корманди маркази матбуоти Саридораи хадамоти давлатии оташхомӯшкунии ВКД ҶТ Кароматулло Абдуллоев иттилоъ дод.
Ӯ зикр намуд, ки аз ҷумла, сокини кӯчаи Навободи ноҳияи И.Сомонии пойтахт Муҳаббат Буриева, соли тавалудаш 1982, дар нонвойхонаи худ аз симчӯби асосӣ қувваи барқро бо роҳи дуздӣ ва бе ҳисобкунаки барқӣ истифода карда, бо ин кирдораш ба буҷаи давлат зарари калони моддӣ расонидааст.
Далели дигари тасарруфи нерӯи барқ дар яке аз ошхонаҳои миллӣ, воқеъ дар ҳудуди Маркази савдои «Ганҷина»-и ноҳияи Фирдавсии шаҳри Душанбе, аз ҷониби кормандони Сарраёсати хадамоти давлатии оташнишони ВКД ошкор карда шуд.
Дар рафти санҷиш муайян гардид, ки соҳибкори ошхона Сунатулло Ёрови 37-сола, дидаву дониста тайи чанд муддат инҷониб барои тайёр намудани хӯрокҳои миллӣ қувваи барқро берун аз ҳисобкунаки барқӣ фаровон истифода бурдааст.
Ҳамчунин дар баробари истифода бурдани фурӯзонакҳои тафсон дар ин ҷо ба талаботи қоидаҳои бехатарӣ аз сӯхтор ва ҳолати санитарию гигиенӣ низ диққати ҷиддӣ дода намешавад.
Чунин далелҳои ҳуқуқвайронкунӣ дар ошхонаи хусусии соҳибкор Рустам Раҳимов, воқеъ дар ҳудуди КВД «Бозори Шоҳмансур»-и пойтахт ҳам аз ҷониби гурӯҳи корӣ ба қайд гирифта шуданд. Аз сабаби сарбории зиёд рӯйпуши кабелу ноқилҳо дар дохили сипари барқӣ сӯхтаву оташ гирифта, хавфи бевоситаи ба амал омадани ҳодисаи сӯхтор ва паҳншавии онро ба дигар қисматҳои бозор ба миён овардааст.
Дар идомаи чорабинии мақсаднок муайян гардид, ки дар дорухонаи соҳибкор Шералӣ Тешаев соли тавалудаш 1958, воқеъ дар кӯчаи Аҳмади Дониши пойтахт ҳолати санитарию гигиенӣ ва қоидаҳои зиддисӯхторӣ, тарзи захира ва нигаҳдории доруҳо риоя намегардад.
Вобаста ба ҳолатҳои ҷойдошта нисбати ҳуқуқвайронкунандагон протоколҳои маъмурӣ тартиб дода шуда, ҷарима татбиқ карда шуд.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
