Дар Коллеҷи милитсияи шаҳри Кӯлоб ҳамоиши «Ҷавонон — муҳофизони боэътимоди Ватан» доир шуд

ДУШАНБЕ, 21.02.2017 /АМИТ «Ховар»/. Ба муносибати Рӯзи Артиши миллии Ҷумҳурии Тоҷикистон 20 феврали соли равон дар Коллеҷи милитсияи шаҳри Кӯлоб таҳти унвони «Ҷавонон-муҳофизони боэътимоди Ватан» ҳамоиш доир гардид. Дар ин бора аз Кумитаи иҷроияи ҲХДТ дар шаҳри Кӯлоб хабар доданд.
Дар ҳамоиш раиси Кумитаи иҷроияи ҲХДТ дар шаҳри Кӯлоб Саъбагул Валиева, шоираи ваҳдатсаро Хосият Вализода, муовини сардори Муассисаи давлатии таълимии Коллеҷи милитсияи ВКД Ҷумҳурии Тоҷикистон дар шаҳри Кӯлоб Хайриддин Аминзода ва мудири шуъбаи рушди иҷтимоӣ ва робита бо ҷомеаи мақомоти иҷроияи ҳокимияти давлатии шаҳри Кӯлоб Рамазон Насриддинзода сухан гуфтанд.
Бо мақсади рушди қобилияти зеҳнии ҷавонон миёни курсантон мусобиқаи варзишии шоҳмот ва шашка баргузор карда шуда, ба ғолибони мусобиқа ва роҳбарияти Коллеҷи милитсия барои ҳамкории судманд туҳфа ва сипосномаҳо тақдим шуданд.