Дар ноҳияи Турсунзода маъракаи ниҳолшинонӣ вусъати тоза мегирад

ТУРСУНЗОДА, 21.02.2017 /АМИТ «Ховар»/. Имсол бахшида ба ҷашнҳои фархундаи Наврӯзи байналмилалӣ ва 20-солагии Рӯзи Ваҳдати миллӣ дар ҳудуди шаҳри Турсунзода беш аз 56 ҳазор бех ниҳолҳои гуногун шинонда мешаванд. Дар ин бора сардори шуъбаи ҳифзи муҳити зисти шаҳри Турсунзода Исломиддин Солиев ба хабарнигори АМИТ «Ховар» иттилоъ дод.
Аз ҷумла, 34 ҳазор адади он ниҳолҳои мевадиҳанда буда, боқимонда ниҳолҳои ороишӣ ва сояафкан мебошанд. То имрӯз дар ҳудуди шаҳр 12 ҳазору 656 бех ниҳолҳои гуногун шинонда шудаанд.
Тибқи нақша дар масоҳати 108 гектар талу теппаҳо боғи нав низ бунёд мегардад.