Дар прокуратураи ноҳияи Ашт Қонун «Дар бораи масъулияти падару модар дар таълиму тарбияи фарзанд» баррасӣ гардид

ДУШАНБЕ, 15.02.2017 /АМИТ «Ховар»/. Дар прокуратураи Мақомоти иҷроияи ҳокимияти давлатии ноҳияи Ашт оид ба баррасии як зумра қонунҳо бо иштироки роҳбарият ва прокурори ноҳия ҷамъомад доир гардид. Тавре аз мақомоти иҷрояи ноҳияи мазкур хабар доданд, дар ҷамъомад татбиқи қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи танзими анъана ва ҷашну маросимҳои миллӣ» ва масъалаи пешгирии зӯроварӣ дар оила баррасӣ карда шуданд.
Дар ҷамъомад масъалаи шомилшавии ҷавонон ба ҳизбу ҳаракатҳои тундраву террористӣ мавриди баррасӣ қарор гирифта, таъкид карда шуд, ки корҳои фаҳмондадиҳӣ дар байни аҳолӣ бояд мунтазам ба роҳ монда шаванд.
Масъулин вазифадор гардиданд, ки татбиқи қонунҳои мазкурро миёни мардум дуруст ба роҳ монанд.