Даври аввали Фестивал-озмуни мақомхонон-«Ганҷҳои ҳунар» ҷамъбаст гардид
ДУШАНБЕ, 21.02.2017. /АМИТ «Ховар»/. Дар шаҳри Душанбе даври аввали Фестивал-озмуни ҷумҳуриявии телевизионии мақомхонон таҳти унвони «Ганҷҳои ҳунар» ҷамъбаст гардид.
Аз байни 7 нафар навозанда ва 16 нафар сарояндагони шашмақом 6 сароянда ва 3 навозанда ба даври ниҳоӣ роҳ ёфтанд. Инчунин 3 нафар иштирокчиёни озмун бо сазовор шудан ба таваҷҷуҳи тамошобин ва қарори ҳакамон имкон пайдо намуданд, ки маҳорати худро дар даври ниҳоӣ санҷанд.
Фестивал-озмун ба ифтихори ҷашни Наврӯзи байналмилалӣ бо мақсади равнақу ривоҷи санъати миллӣ, эҳё ва тарғибу ташвиқи суннатҳои қадимаи ниёгон, пайдо намудани истеъдодҳои нав, беҳтар ба роҳ мондани фаъолияти ансамблҳои мақомхонон дар сатҳи кишвар, арҷ гузоштан ба мероси бойи аҷдодон, баланд бардоштани завқи зебоипарастӣ, хештаншиносии наврасону ҷавонон гузаронида мешавад.
Даври ҷамъбастии Фестивал-озмуни ҷумҳуриявии телевизионии мақомхонон таҳти унвони «Ганҷҳои ҳунар», ки нахустин таҷриба дар баргузории фестивал-озмуни мақомхонон байни ҷавонони то 27- сола аст, 5-6 март дар толори қасри фарҳанги шаҳри Турсунзода баргузор мегардад.
Имрӯз дар Тоҷикистон ҳаво абрнок мешавад
Имрӯз дар Вазорати маориф ва илм, Кумитаи рушди маҳал, Кумитаи дин, танзими анъана ва ҷашну маросим ва Маркази миллии қонунгузорӣ нишасти матбуотӣ баргузор мегардад
Байни Институти илмӣ-тадқиқотии сайёҳӣ ва соҳибкорӣ ва Иттифоқи дӯстии Роҳи абрешим дар Тоҷикистон шартномаи ҳамкорӣ ба имзо расид
Ҳавопаймо дар наздикии фурудгоҳи Вашингтон ба дарё афтод
Имрӯз дар Тоҷикистон ҳавои бебориш пешгӯӣ мешавад
ҚОНУНИ ТАНЗИМИ ТОҶИКИСТОН-НАМУНА БАРОИ ИБРАТ. Дар Қирғизистон барои исрофкорӣ дар тӯю маросими дафн ҷарима ситонида мешавад
Нахустин заминаи инноватсияҳо
Имрӯз дар баъзе ноҳияҳои Тоҷикистон бориши борон ва барф дар назар аст
