Раиси шаҳри Конибодом донишҷӯёнро ба омӯхтани илму дониш даъват намуд
ДУШАНБЕ, 17.02.2017 /АМИТ «Ховар»/. Раиси шаҳри Конибодом Ғайбулло Боҳирӣ зимни мулоқот бо донишҷӯёни шаҳри Конибодом, ки дар муассисаҳои олии шаҳри Душанбе таҳсил мекунанд, изҳор дошт, ки дар Соли ҷавонон роҳбарияти шаҳри Конибодом тасмим гирифтааст дар баробари кӯшишу талошҳо дар самти муҳайё кардани шароити мусоид барои таҳсилу фаъолияти ҳамарӯзаи ҷавонони шаҳр, ҳамзамон ба тарбияи маънавии онҳо таваҷҷуҳ зоҳир намояд.
Академик Акбар Турсон аз таърихи 3000-солаи шаҳри бостонии Конибодом ҳарф зада, донишҷӯёнро ба омӯхтани илмҳои муосир ҳидоят намуд. Ҳамчунин Равшан Раҷабов, вакили Маҷлиси намояндагони Маҷлиси Олии Ҷумҳурии Тоҷикистон зикр кард, ки дар Соли ҷавонон донишҷӯён бояд машъалафрӯзи ҷомеа бошанд.
Раиси шаҳри Конибодом изҳори умед намуд, ки ҷавонони ватандӯст омӯхтани илму дониш, касбу ҳунар ва меҳнати самарабахшро вазифаи ҷонии худ дониста, дар оянда мавқеи сазовори худро дар ҷомеа пайдо менамоянд. Онҳо дар таҳкими пояҳои истиқлолияти давлатӣ ва рушду ободии Ватан саҳми арзанда мегузоранд.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
