Хатлон: Идомаи барномаҳои «Корвони маърифат» дар Ёвон

ҚӮРҒОНТЕППА, 07.02.2017 /АМИТ «Ховар»/. Барномаҳо бахшида ба ҷашни 20-солагии Рӯзи Ваҳдати миллӣ дар шаҳру навоҳии вилояти Хатлон идома доранд. Тавре аз мақомоти иҷроияи ҳокимияти давлатии вилояти Хатлон иттилоъ доданд, барномаҳои фарҳангӣ-иттилотӣ таҳти унвони «Корвони маърифат» охири ҳафта дар ноҳияи Ёвон баргузор мегарданд.
Дар доираи барнома озмунҳои «Оилаи беҳтарин» ва «Кадбонуи беҳтарин» гузаронида мешаванд. Ҳамзамон аз тарафи Раёсати кор бо ҷавонон, варзиш ва сайёҳии вилояти Хатлон мусобиқаҳои гӯштини миллию самбо ва футболи хурд баргузор мегарданд. Аз тарафи шуъбаи Сабти асноди ҳолати шаҳрвандии вилояти Хатлон бо мақсади баланд бардоштани маърифати ҳуқуқии шаҳрвандон бо аҳолӣ вохӯриҳои судманд гузаронида мешаванд.