Китоби «Роҳи субот» муаррифӣ шуд

ДУШАНБЕ, 01.02.2017 /АМИТ «Ховар»/. Дар ноҳияи Мастчоҳ китоби «Роҳи субот», ки бо ташаббуси Кумитаи иҷроияи Ҳизби Халқии Демократии Тоҷикистон (ҲХДТ) ба табъ расидааст, муаррифӣ гардид.
Тавре аз Хадамоти матбуоти Раиси вилояти Суғд хабар доданд, китоби мазкур аз фаъолияти Кумитаи иҷроияи ноҳиявӣ аз соли 1998 то имрӯз нақл мекунад ва он бо суханронии Президенти Ҷумҳурии Тоҷикистон, Раиси ҲХДТ муҳтарам Эмомалӣ Раҳмон дар маҷлиси Кумитаи иҷроияи марказии Ҳизби Халқии Демократии Тоҷикистон аз 5 январи соли равон оғоз мешавад.
Дар китоби «Роҳи субот» андешаҳои аввалин раисону аъзо, рӯйхати нахустин ташкилотҳои ибтидоии ҳизбӣ ҷой дода шуда, роҳи тайкардаи кумитаи иҷроия тӯли ин муддат мавриди таҳлилу баррасӣ қарор гирифтааст.