«Саҳми ҷавонон дар рушди илми тибби тоҷик»-маҳфили илмӣ

ДУШАНБЕ, 06.02.2017 /АМИТ «Ховар»/. Шуъбаи тайёркунии кадрҳои илмии Донишгоҳи давлатии тиббии Тоҷикистон ба номи Абӯалӣ ибни Сино бахшида ба Соли ҷавонон эълон гардидани соли 2017 ва қабули Даҳсолаи нави байналмилалии амал «Об барои рушди устувор», солҳои 2018-2028 бо иштироки васеи аспирантон маҳфили илмӣ баргузор намуд. Дар ин бора аз Донишгоҳи мазкур иттилоъ доданд.
Бино ба иттилои манбаъ, дар ҳамоиш аспирантон дар мавзӯи «Саҳми ҷавонон дар рушди илми тибби тоҷик», «Об — манбаи ҳаёт» ва «Тоҷикистон-ташаббускори ҳалли масоили байналмилалии об» маърӯзаҳои илмӣ карданд.
Бояд ёдовар шуд, ки дар Паёми навбатии худ Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2017-ро Соли ҷавонон эълон намуданд.