Салоҳиддин Раббонӣ аз пуштибониҳои пайвастаи Ҷумҳурии Тоҷикистон изҳори сипос намуд
ДУШАНБЕ, 18.02.2017 /АМИТ «Ховар»/. Салоҳиддин Раббонӣ, Вазири корҳои хориҷии Ҷумҳурии Исломии Афғонистон аз дастгирӣ ва пуштибониҳои пайвастаи Ҷумҳурии Тоҷикистон, бахусус Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки ҳамеша барои таъмини амнияту субот дар кишвари Афғонистон ба ҷомеаи ҷаҳонӣ ва созмонҳои байналмилалӣ пешниҳодҳои ҷолиб менамоянд, изҳори сипос намуд.
Тавре хабарнигори АМИТ «Ховар» аз макони баргузории мулоқот хабар дод, Вазири корҳои хориҷии Ҷумҳурии Исломии Афғонистон баъди мулоқот бо Пешвои миллат, ки имрӯз дар шаҳри Душанбе баргузор гардид, ба хабарнигорон изҳор намудааст, ки зимни суҳбат ҷонибҳо масъалаҳои мубрами муносибатҳои Тоҷикистону Афғонистонро баррасӣ намуда, зарурати таҳкими робитаҳои иқтисодии ду кишварро таъкид намудаанд.
Салоҳиддин Раббонӣ, Вазири корҳои хориҷии Ҷумҳурии Исломии Афғонистон изҳори боварӣ кард, ки мулоқоти доиргардида ба тавсеаи равобити иқтисодӣ миёни ду кишвар, мубориза бо терроризм, ифротгароӣ ва таҳдидҳои муштарак заминаи мусоид фароҳам меорад.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
