Шунавандагони Академияи Вазорати корҳои дохилӣ соҳиби сертификат шуданд

ДУШАНБЕ, 20.02.2017/АМИТ «Ховар»/. Академияи Вазорати корҳои дохилии Ҷумҳурии Тоҷикистон ба ҳайси муассисаи таҳсилоти олии касбӣ, дар баробари аз ҳисоби ҷавонон тайёр намудани кадрҳои болаёқат барои мақомоти корҳои дохилӣ, ҳамзамон дар заминаи таълимгоҳи мазкур кормандони амалии ин мақомоти бонуфуз аз курсҳои такмили ихтисос мегузаранд. Як гурӯҳ сардорони шуъбаҳои ВКД дар шаҳру ноҳияҳои ҷумҳурӣ баъди гузаштан аз курсҳои такмили ихтисоси даҳрӯза соҳиби сертификат шуданд.
Тавре аз Академияи Вазорати корҳои дохилӣ хабар доданд, шунавандагони ин машғулиятҳо, ки барномаи таълимӣ-мавзӯии курсҳои бозомӯзии касбӣ ва такмили ихтисоси кадрҳои роҳбарикунандаро дар заминаи курсҳои олии академии факултети №1-и Академияи ВКД пурра аз худ карданд, дар маросими супоридани сертификатҳо миннатдории худро ба роҳбарияти ВКД ва Академия баён доштанд.