Таҳкими донишу малакаи донишҷўён дар ташкили дурусти қабулу гусели меҳмонони хориҷӣ
ДУШАНБЕ, 20.02.2017 /АМИТ «Ховар»/. Шумораи сайёҳон дар се соли охир мунтазам афзоиш ёфта, ду баробар (аз 207 то 414 ҳазор нафар) зиёд гардидааст. Ин нуктаро зимни пешниҳоди Паёми худ ба Маҷлиси Олии Ҷумҳурии Тоҷикистон Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зикр намуданд.
«Тоҷикистони биҳиштосои мо сарзамини мардуми соҳибмаърифату меҳмоннавоз ва кишвари меваҳои шаҳдбор буда, аз нигоҳи иқлим, боду ҳаво, манзараҳои табиат, кӯҳҳои осмонбӯс, пиряхҳои азим, обҳои шифобахш, кӯлҳо ва чашмаҳои оби мусаффо, ҳайвоноту наботот ва урфу анъанаҳои мардумӣ дар олам нотакрор ва макони беҳтарини сайру саёҳат мебошад»,-илова намуданд Сарвари давлат.
Вобаста ба ин, бо мақсади боз ҳам тавсеа бахшидани соҳаи сайёҳӣ, истифодаи самараноки имкониятҳои мавҷуда дар ин самт, инкишофи инфрасохтори сайёҳӣ, беҳтар кардани сифати хизматрасонӣ, густариши раванди танзими давлатӣ ва дастгирии сайёҳии дохиливу хориҷӣ, ҷалби ҳарчи бештари сармоя дар ин самт ва омода кардани кадрҳои болаёқат корҳои назаррасро бояд ба сомон расонид.
Дар робита ба ин супориши Пешвои миллат масъулони Донишкадаи соҳибкорӣ ва хизмати Тоҷикистон донишҷўёни ихтисоси туризмро барои таҷрибаандӯзӣ ба Қалъаи Ҳисор бурданд.
Тавре ки Насимҷон Ойев, ноиби ректор оид ба таълими донишкада ба АМИТ «Ховар» хабар дод, мақсад аз сафар ба ин макони таърихӣ, таҳкими донишу малакаи донишҷўён нисбат ба ташкили дурусти қабулу гусели меҳмонони хориҷӣ дар ҳудуди объектҳои таърихию фарҳангӣ, ташкили экскурсия дар ин ҷо ва имкониятҳои дастрасии ин гуна объектҳо барои ташрифоварӣ аз ҷониби меҳмонони хориҷӣ буд.
Ҳангоми сафар ба ин мавзеи муҳими таърихи-фарҳангӣ донишҷўён роҷеъ ба таърихи ёдгориҳои меъмории ҳудуди маҷмаа, нақши ин ёдгориҳои меъморӣ дар маҷмўи объектҳои сайёҳии Тоҷикистон, шароити қабулу гусели меҳмонон дар ҳудуди Қалъаи Ҳисор ошноӣ пайдо карданд.
Анъанаи ташкили сафарҳои омўзишии донишҷӯён ба объектҳои таърихию фарҳангӣ, табиӣ, муассисаҳои хизматрасонӣ, ширкатҳои сайёҳию нақлиётӣ ва муассисаҳои хўроки умум минбаъд низ идома хоҳад ёфт.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
