«Таронаи сарбоз» ҷавононро ба ватандўстиву меҳанпарастӣ даъват менамояд

ДУШАНБЕ, 10.02.2017 /АМИТ «Ховар»/. Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Фестивали ҷумҳуриявии «Таронаи сарбоз»-ро таҳти унвони «Аскарони Пешвои миллатем» баргузор менамояд.
Тавре аз Кумитаи ҷавонон, варзиш ва сайёҳӣ иттилоъ доданд, фестивали мазкур бо мақсади баланд бардоштани ҳисси ватандўстиву меҳанпарастӣ, маърифати сиёсиву ҳуқуқии ҷавонон, эмин нигоҳ доштани онҳо аз хатарҳои террористӣ, ҳидоят намудан ба бунёдкорию созандагии кишвар, бедор кардани ҳисси ифтихори миллӣ ва дўст доштани арзишҳои фарҳангӣ гузаронида мешавад.
Фестивали ҷумҳуриявии «Таронаи сарбоз» таҳти унвони «Аскарони Пешвои миллатем» бахшида ба Соли ҷавонон ва Рӯзи таъсиси Қувваҳои Мусаллаҳи Тоҷикистон роҳандозӣ шудааст.